सेन्ट्रल फर डिजिज कन्ट्रोल अर्थात सीडिसीले फेरी पनि एकपटक सामाजिक दूरी सबन्धि ‘गाइडलाइन्स’ तयार पारेको छ । गत मे महिनामा सामाजिक दूरीको सम्बन्धमा जारी गरिएको ‘गाइडलाइन्स’ सीडिसीले कोरोना महामारीको झण्डै ८ महिना पुग्नै लाग्दा पुनः अपडेट गरेको हो ।
राउटर्सको रिपोर्ट अनुसार ‘गाइडलाइन्स’ प्रकाशित गर्नुअघि १ सय घण्टाभन्दा कम अवधिमा मात्रै संसारभर १० लाख नयाँ कोरोना संक्रमितहरु देखा परेका थिए । र, त्यसै तथ्यांकलाई मध्यनजर गर्दै सीडिसीले पुनः सामाजिक दूरी कहाँ अनि कसरी कायम गर्ने भन्ने सम्बन्धमा गाइडलाइन्स तयार गरेको बताइन्छ ।
तीव्र रुपमा फैलिरहेको सार्स–कोभ–२ प्रसारण सम्बन्धि संक्रमितको अघि जाँदा उसले गर्ने हाछ्युँ र खोकिबाट निस्कने ड्रपलेस एवम् श्वासप्रश्वासको माध्यमबाट अन्यमा सर्ने विज्ञहरुले बताउँदै आएका छन् । यस्तै, एरोसोल कणशरु ३ घण्टासम्म हावामा तैरिने हुदा उक्त अवधिमा संक्रमण जो सुकैलाई पनि सर्न सक्ने हार्वर्ड हेल्थ पब्लिसिङ्गले जनाएको छ ।
नाक एवम् मुखको माध्यमबाट शरीरमा प्रवेश गर्ने उक्त भाइरसले सर्वप्रथम व्यक्तिको फोक्सोमा आक्रमण गर्दछ । जसकारण पनि संक्रमणबाट बच्नको निम्ति मास्कको अनिवार्य प्रयोगमा चिकित्सकहरुले बारम्बार जोड दिँदै आएका छन् । यससँगै मास्कको प्रयोग गरेता पनि सामाजिक दूरी कायम राख्दै मास्कमा बारम्बार नछुन समेत राज्यका अधिकारहरुले सुझाएका छन् ।
सीडिसीले पछिल्लो समय आफ्नो वेबसाइटमा सामाजिक दूरी सम्बन्धि अपडेट गरेको मापदण्डः
सामुदायिक स्तरमा
- सकेसम्म सार्वजनिक यातायातको प्रयोग नगर्ने । सकभर भएसम्म निजि साधन प्रयोग गर्ने र सम्भव भए पैदल यात्रा गर्ने ।
- साथीभाई एवम् परिवारसँग यात्रा गर्दा पनि आफ्नो स्थान सुरक्षित साथ कायम राख्ने । र, साधनको झ्याल खुल्ला राख्ने ।
- साझा यातायातको प्रयोग गर्नुपर्ने अवस्था आइपरे, यातायात कुर्ने समयमा अन्य व्यक्तिबाट ६ फिट दूरी कायम राख्ने ।
- यात्राको समयमा पनि जथाभावी नछुने ।
- गाडिबाट उर्लिएपछि सेनिटाइजर प्रयोग गर्ने र भीडबाट टाढा रहने ।
बाहिर निस्कदा ध्यान दिनुपर्ने पक्ष
- अत्यावश्यक समयमा मात्रै आवश्यक सुरक्षा अपनाएर किराना पसलमा जाने वा घरबाट बाहिर निस्कने ।
- ६ फिट दूरी कायम राख्ने ।
- जथाभावी नछुने र छुनुअघि किटाणुनाशक वाइपको प्रयोग गर्ने ।
- ६५ भन्दा बढि उमेरका वृद्धवृद्धालाई आवश्यक सामाग्री आफै किनेर ल्याइदिने र उनीहरुबाट विशेषरुपमा सामाजिक दूरी कायम राख्ने।
सामाजिकिकरणको छनौट गर्ने
- आफन्त र साथीसँग भेटघटभन्दा टेक्नोलोजीको माध्यमबाट उनीसंग टचमा रहने । अन्थया सामाजिक दूरी सम्भव हुने गरी सानो भेटघाट कार्यक्रम गर्ने ।
- पार्टि, भीडभाड वा अन्य हुलमुल कार्यक्रमबाट टाढै रहने ।
- अनिवार्य रुपमा मास्कको प्रयोग गर्दै ६ फिट दूरीमा विशेष ध्यान दिने ।
- उपस्थित हुन अनिवार्य पर्ने कार्यक्रममा जादा सकेसम्म घरबाटै बनाएर खानाहरु लैजाने । अन्यथा व्यक्तिगत प्रयोग गर्न पनि सकिन्छ ।
- हात मिलाउने वा अंकमालजस्ता गतिविधिबाट टाढा रहने ।
- तपाई रेस्टुरेण्ट जाँदै हुनुहुन्छ भने त्यहाँस्थित टेबुल ६ फिट दूरी भए वा नभएको पक्षमा ध्यान दिने । बुफि पार्टिहरु निश्चित व्यक्तिको लागि मात्रै कायम गर्ने ।
कसरतको समयमा,
- साइकल वा पैदलको रुपमा जान सकिने र शारीरिक दुरी कायम गर्न सकिने स्थान व्यायामको लागि छनोट गर्ने । यदि क्लोरी बर्नका लागि जिम जान चाहानुहुन्छ भने त्यहाँ कत्तिको भीड हुन्छ र एकपटकमा कति जनासम्मलाई अनुमति दिइन्छ त्यसबारे राम्ररी बुझ्ने ।
- एकैरुपमा भएपनि व्यक्तिको सामीप्यमा नजाने गरी जिम जान सकिन्छ ।
- सामुहिक तालिम छ भने मास्कको प्रयोग गरी ५ फिट दूरी कायम राख्दै हावा आवतजावत हुने गरी झ्याल तथा ढोका खुल्ला राख्ने ।
साझा सुविधायुक्त स्थानमा मास्कको प्रयोग गर्ने,
- नर्सिङ्ग होम, होस्टल, लन्ड्रि, डाइनिङ एरिया, लिफ्टजस्ता साझा स्थानहरुमा झन् जोखिमको भय रहन्छ । त्यस्ता स्थानमा मास्कको प्रयाग अनिवार्य रुपमा गर्ने ।
- अन्य व्यक्तिको नजिक नजाने । त्यस्ता स्थानमा सकेसम्म संवादको लागि टेक्नोलोजी साधनको प्रयोग गर्नु उचित रहन्छ ।
बिरामीको सामीप्यमा जादा ध्यान दिनुपर्ने पक्ष,
- बिरामी बस्ने कोठा उचित रुपमा हाा आवतजावत आउने ठाउँ भएको हुनुपर्छ । झ्याल वा पंखा खुला नै राख्ने । बिरामी र कुरुवा सुत्ने ओछ्यान अलग-अलग हुनुपर्दछ । यदि सकिदैन भने ठुलो ओछ्यानमा शारीरिक दूरीमा ध्यान दिँदै बेड सेयर गर्ने ।
- शौचालय प्रयोग गर्नुअभि किटनाशक औषधिले सफा गर्ने । बिरामीले प्रयोग गरेपछि शौचलायमा झ्याल, ढोका वा पंखा अन गरी हावाको वहाव पु¥याउने । र, सबै सतह सफा गर्ने ।
-एजेन्सी
