पुरुषमा देखिने गुप्त रोग वा यौन समस्या गम्भीर समस्यामध्ये एक हो । यस समस्याको गहन जाँच एवम् उपचार गर्न अतिआवश्यक रहन्छ । रोग नियन्त्रण एवम् रोकथाम केन्द्रका अनुसार वर्तमान अवस्थामा यौन समस्याका कारण प्रभावित पुरुष संख्या लाखौ रहेको छ । सुखमय दम्पत्तिको जीवनमा विशेष महत्व राख्ने यौन समस्या जुनसुकै व्यक्तिमा पनि देखिन सक्छ ।
यौन स्वास्थ्यसँगै सम्पूर्ण जीवनलाई नै प्रभावित पार्ने यौन समस्या एवम् यौन रोग वर्तमान स्थितिमा जोकोहिमा देखिने सामान्य समस्या बनिसकेको छ । यसले स्वास्थ्यमा अन्य समस्याहरु पनि निम्त्याउँने भएकाले यस्ता समस्या देखा पर्ना साथ तुरुन्त चिकित्सकको परामर्श लिनु पर्दछ ।
पुरुषमा देखिने विभिन्न यौन समस्यामध्ये समयमै वीर्य नझर्नु पनि हो । कोहि व्यक्ति उत्तेजनाको लामो समयसम्म वीर्यपात गर्नमा असक्षम रहन्छन् । समान्य इच्छा र उत्तेजना भएपनि उनीहरुमा यस्ता समस्या देखा पर्दछ । यस्ता समस्यालाई ‘विलबिंत स्खललन’ अथवा ‘डिले इजाकुलेशन’ भनिन्छ ।
लक्षण :
- ३० देखि ६० मिनेटसम्म चाहेर पनि स्खलनन नहुनु
- आधा घण्टासम्म सम्भोग कायमपश्चात् पनि स्खलनन नहुनु
- पर्याप्त यौन आनन्द लिन नसक्नु
- थकान
- चिडचिडाहट हुनु
- उत्तेजना नहुनु
कारण :
- बढ्दो उमेर
- मानसिक स्वास्थ्य–डिप्रेशन अर्थात् तनाव
- मेडिकल कन्डिशन–मधुमेह
- रक्तचाप, मुटुरोग तथा एन्टि–डिप्रशेन सम्बन्धि औषधीको सेवन
- पुरुष ग्रन्थीको शल्यक्रिया
- सम्बन्धमा समस्या–आफ्नो पार्टनरसँगको बिग्रदो अवस्था
- लामो समयसम्म मदिराको उच्च प्रयोग गर्नाले
समाधानका उपायहरु
यस्ता समस्या देखा पर्ना साथ सकेसम्म छिट्टै चिकित्सकको परामर्श लिनु नै उपचारको उचित समाधान हुन जान्छ । यस्तै चिकित्सककोमा जादा आफूलाई परेको अन्य शारीरिक, मेडिकल एवम् मानसिक समस्याबारे खुलेर बताउनु पर्छ । यससँगै यस्ता समस्या देखा नपरोस् भन्नका लागि यसका कारणहरु पत्ता लगाई त्यसबाट जोगिने सक्दो प्रयास गर्नुपर्दछ ।
-एजेन्सी
