चीनबाट सुरु भएको कोरोना संक्रमण तीव्ररुपले विश्व भर फैलिरहेको छ। ४ महिना पार गर्न लाग्दा समेत संक्रमण रोकिएको छैन ।जसकारण दैनिक कयौं संक्रमणका केसहरु देखिरहेको छ ।
पछिल्लो २४ घण्टासम्मको विवरणअनुसार हालसम्म ४ लाख ३३ हजार १ सय ९३ जनाले संक्रमणबाट ज्यान गुमाएका छन् । त्यस्तै, संक्रमितको संख्या मात्रै ७९ लाख १६ हजार ४ सय ६ पुगेको छ । संक्रमणलाई जित्नेको संख्या ४० लाख ६८ हजार ८६ रहेको छ ।
पछिल्लो समय इरानमा पनि संक्रमणको केस व्यापकरुपमा देखिन थालेको छ । इरानको स्वास्थ्य मन्त्रालयको अनुसार एक दिनमै १०० भन्दा बढी केस देखिन थालेको छ । हालसम्म त्यहाँ ८ हजार ८ सय ३७ संक्रमितले ज्यान गुमाएका छन् ।
यता रुसमा २४ घण्टामा ८ हजार ८ सय ३५ केस देखिएको छ । जहाँ संक्रमितको संख्या ५ लाख २८ हजार रहेको छ ।
अमेरिका र ब्राजिल पछि सबैभन्दा बढी संक्रमण देखिएको देश रुस हो । यस्तै, रुस पछि छिमेकी राष्ट्र भारतमा संक्रमण व्यापकरुपमा फैलिरहेको छ । भारतमा हालसम्म ३ लाख २४ हजार ४ सय ८२ जनामा संक्रमण पाइएको छ भने ९ हजार बढीले ज्यान गुमाएका छन् ।
-एजेन्सीको सहयोगमा
