काठकाण्डाै–स्वास्थ्य तथा जनसंख्या मन्त्रालयले विश्वव्यापी रुपमा प्रकोप बन्दै गएको नाेभेल कोरोना भइरसको सम्भावित संक्रमणबाट रोक्न तीन बटा समिति गठन गरेको छ ।
स्वास्थ्य तथा जनसंख्या मन्त्री भानुभक्त ढकालको अध्यक्षतामा उच्चस्तरिय अनुगमन समिति बनेको छ । त्यसैगरी स्वास्थ्य सचिव खगराज बरालकोको अध्यक्षतामा निर्देशक समिति र गुणस्तर, मापन तथा नियमन महाशाखा प्रमुख डा दिपेन्द्र रमण श्रेष्ठको अध्यक्षतामा स्वास्थ्य प्रविधीक समिति गठन भएको मन्त्रालयले जनाएको छ ।
एक महिनादेखी चिनमा महामारीको रुपमा फैलिएको नोवल कोरोन भइरसले विश्वका धेरै देशहरुमा फैलिएपछि विश्व स्वास्थ्य संगठनले स्वास्थ्य आपतकाल घोषणा गरे संगै नेपाले पनि सजगता अपनाएको हो ।
स्वास्थ्य तथा जनसंख्या मन्त्रालयमा मन्त्री ढकालको अध्यक्षतामा बिहिवार बसेको विभिन्न मन्त्रालयका सचिव तथा स्वास्थ्यका अधिकारीहरु सहितकाे बैठकले सो निर्णय गरेको हो । साे समितीकाे सदस्यहरूमा सवै मन्त्रालयका सचिव तथा महाशाखा प्रमुख रहनेछन् । साे समितीले काेराेनाकाे राेकथामकाेलागी विभिन्न निकायले गरिरहेका कामहरूकाे अनुगमन गर्ने छ ।
त्यसैगरी स्वास्थ्य सचिव खगराज बरालको नेतृत्वमा निर्देशक समिति पनि गठन भएको छ । सो समितिमा मन्त्रालयका तीनै विभागका महानिर्देशक, सबै महाशाखाका निर्देशक, टेकु अस्पतालका निर्देशक, स्वास्थ्य अन्तर्गत सवै परिषदका अध्यक्षहरु पदेन सदस्य तोकिएको छ ।
साे विज्ञहरुमा डा खेम कार्की, डा जगदीश अग्रवाल, डा अर्जुन कार्की, डा मानव भट्टराइ, डा शुरेस तिवारी, डा दिलीप शर्मा, निजी अस्पताल एसोसिएसन, निजी मेडिकल कलेज एसोसिएसन प्रतिनिधी र विश्व स्वास्थ्य संगठनका प्रतिनिधी निर्देशक समितिका सदस्य रहनेछन् ।
मन्त्रालयले गुणस्तर, मापन तथा नियमन महाशाखाका प्रमुख डा दिपेन्द्र रमण श्रेष्ठको अध्यक्षतामा स्वास्थ्य प्राविधीक समिति समेत गठन गरेको छ । सो समितिको सदस्यमा इडिसिडीका प्रमुख, जोनोसीस विभागका प्रमुख, डा अनुप बास्तोला, डा अनुप घिमिरे लगायत सदस्य रहेका छन् । सो कमिटिको सदस्य सचिवमा स्वास्थ्य आपतकालीन व्यवस्थापन इकाइ प्रमुख सागर दाहाल रहेका छन् ।
