विराटनगर– नेपाल औषधी व्यवसायी संघ मोरङको नवनिर्वाचित पदाधिकारीहरूको पदभार ग्रहण गरेका छन् ।
विराटनगरस्थित रहेको औषधी संघको भवनमा शनिबार नवनिर्वाचित पदाधिकारीहरूले पदभार ग्रहण गरेका हुन् ।
गत मंसिर २० गते भएको संघको निर्वाचनबाट लक्ष्मी तिम्सिनाको समूह निर्वाचित भएको थियो । नवनिर्वाचित अध्यक्ष तिम्सिनालाई सपथ निर्वाचन समितिका प्रमुख सुरेशलाल श्रेष्ठले गराएका थिए । तम्सिनाले सपथ ग्रहण गरेपछि अन्य निर्वाचित पदाधिकारीहरूलाई सपथ गराएका थिए ।
पदस्थापन कार्यक्रममा बोल्दै नवनिर्वाचित अध्यक्ष तिम्सिनाले औषधी व्यवसायी क्षेत्रमा देखा परेको विकृति र विसंगतीको अत्य गरि सम्मानित व्यावसय बनाउन आफु लागि पर्ने बताए । उनले औषधी व्यवसायीहरूको हकहित र क्षमता अभिवृद्धीमा पनि आफु लागि पर्ने बताए । सबैको साथ, सहयोग र सबै व्यवसायीहरूलाई समेटर औषधी व्यवसायलाई एक ढिला बनाउन क्रियाशिल रहने उनको भनाई थियो ।
औषधी व्यवसायी संघ मोरङमा उपाध्यक्षमा देशबन्दुध ढकाल, महासचिबमा दिनेश ठाकुर, सचिबमा हरिराज रेग्मी, कोषाध्यक्षमा विजयकुमार राजवंशी र सहकोषाध्यक्षमा पुष्पराज पोखरेल निर्वाचित भएका थिए । यस्तै अन्य सदस्यहरूमा अनिल चौधरी(शर्मा), प्रकाश धिमाल र सरीता चौधरी छन् ।
