काठमाडौं—प्राकृतिक चिकित्सा तथा योग अस्पताल एसोसियन नेपाल गठन भएको छ । मंगलबार पत्रकार सम्मेलन गर्दै उक्त संस्था गठन भएको जानकारी दिइएको हो ।
प्राकृतिक चिकित्सा तथा योग अस्पताल क्षेत्रअन्र्तगत रहेका विभिन्न संस्था तथा अस्पताललाई एक पेशागत गैर संस्थाको आवश्यकता भएको भन्दै उक्त संघ गठन गरिएको जनाइएको छ ।
प्राकृतिक चिकित्सा क्षेत्रलाई वैज्ञानिक ढंगबाट विकास गर्दै त्यसअन्तर्गत कार्यरत रहेका अस्पताल, स्वास्थ्य संस्था तथा ब्यवसायीको संरक्षण तथा सम्वद्र्धन गर्ने संघको मुख्य उद्देश्य रहने बताइएको छ ।
पत्रकार सम्मेलनमा उक्त समितिले प्राकृतिक चिकित्सा क्षेत्रअन्तर्गत रहेका कमीकमजोरी र अवस्थालाई ध्यानमा राख्दै स्वास्थ्य तथा जनसंख्या मन्त्रालय र प्रदेश सरकारको सामाजिक विकास मन्त्रालयमा यस क्षेत्रलाई हेर्ने छुट्टै निकाय गठन माग गर्ने जनाएको छ ।
संघले प्राकृतिक चिकित्सा तथा योग क्षेत्रको निम्ति स्पष्ट कानुन, निति–नियम, निर्देशिका तथा कार्यक्रमहरु बनाई यस क्षेत्रलाई व्यवसायिक र मर्यादित पहल गर्ने समेत जनाएको छ ।
निजी, गैर सरकारी र सामुदायिक गरी ५० भन्दा बढी स्वास्थ्य संस्थाहरु सञ्चालित हुदै आएका यस संस्थाले वार्षिक रुपमा २ लाखभन्दा बढि ब्यक्तिहरुलाई सेवा प्रदान गर्दै आएको जनाएको छ ।
