बुटवल—रुपन्देहीको तिलोत्तमा नगरपालिकाले हरेक वडामा एउटा सरकारी स्वास्थय संस्था स्थापना गर्ने लक्ष्यसहितको ३० महिने मध्यावधि समीक्षा सार्वजनिक गरेको छ ।
१७ वटा वडा रहेको तिलोत्तमा नगरपालिकामा हाल ७ वटा स्वास्थ्य चौकी संचालनमा रहेका छन् । चालु आर्थिक वर्षमा ५ वटा निमार्णका चारणमा रहेको नगरपालिकाका प्रमुख बासुदेव घिमिरेले जानकारी दिए । ‘हामी स्वस्थ्य नगरबासी स्वच्छ नगरको नारा सहित काम गरिहेका छौं,’ प्रमुख घिमिरेले भने, ‘सबै नगरवासीमा आधारभूत स्वास्थ्य सेवाको पहँुचलाई स्थापित गर्ने गरी काम भैरहेको छ ।’
नगरपालिकामा हाल ३ वटा सहरी स्वास्थ्य केन्द्र, २ वटा वर्थिङ सेन्टर संचालनमा छन् । प्रत्येक वडामा एउटा स्वास्थ्य संस्था रहने गरी बजेटको समेत व्यवस्था गरिएको छ ।
नगरपालिकाले नगरका स्थायी बासिन्दाका लागि रगतको सेवा शुल्कलाई निःशुल्क बनाउने व्यवस्था गरेको छ । ‘नगरमा स्थायी बसोवास भएका व्यक्तिहरुले रक्त सञ्चार केन्द्रबाट रगत सेवा लिएमा वार्षिक १५ पोका बराबरको सेवा शुल्क बिलअनुसार शोधभर्ना दिने व्यवस्था मिलाएका छौं । रगतका कारण कसैको ज्यान जोखिममा नपरोस् भन्ने उद्देश्यले काम गरिरहेका छौं,’ उनले भने ।
नगरपालिकाले जेष्ठ नागरिक तथा गर्भवती महिलाको सुत्केरी सेवाका लागि जिल्ला भित्रका स्वास्थ्य संस्थामा पु¥याउन निः शुल्क एम्बुलेन्सको व्यवस्थासमेत गरेको समीक्षा प्रतिवेदनमा उल्लेख छ ।
स्वास्थ्य स्वयंसेविकाको विदाइका लागि प्रतिव्यक्ति ३० हजार आन्तरिक स्रोतबाट प्रदान गर्ने व्यवस्था गरिएको नगरपालिकाले जनाएको छ ।
गर्भवती र सुनौलो हजार दिनका बालवालिकाको पोषणमा सुधार ल्याउन सुत्केरीसँग उपमेयर कार्यक्रम समेत सञ्चालन भैरहेको मध्यावधी समीक्षामा उल्लेख छ । प्रत्येक संस्थाबाट संचालन हुने खोप कार्यक्रमको लागि भ्याक्सिन नगरपालिकाबाट वितरण हुँदै आएको घिमिरेले बताए ।
