काठमाडौं—नेपाल नर्सिङ संघको १९ औं कार्यसमितिको निर्वाचन जारी रहेको छ । बुधबार देशभरका २१ निर्वाचन केन्द्रबाट नयाँ नेतृत्वका लागि मतदान भैरहेको छ ।
विहान ७ बजेदेखि सुरू भएको मतदान साँझ ५ बजेसम्म हुनेछ । जसमा पदाधिकारी र सदस्य गरी १४ जनाका लागि निर्वाचन हुनेछ ।
नर्सिङ संघको निर्वाचनमा मनकुमारी राई समूह—१ बाट अध्यक्षमा मनकुमारी राई, बरिष्ठ उपाध्यक्षमा रमेश सुब्बा, उपाध्यक्षमा मिना बाँनिया, महासचिवमा नर्मदा थापा, सचिवमा प्रमिला थकाली, कोषाध्यक्षमा कल्पना श्रेष्ठले चुनावी प्रतिस्पर्धामा छन् । यो समूह नेकपा निकट समूह हो ।
यसैगरी, मुना राना थापा समूह—२ बाट मुना राना थापा अध्यक्ष, उर्मिला श्रेष्ठ बरिष्ठ उपाध्यक्ष, विमलाकुमारी शाह उपाध्यक्ष, यसोदा बराल महासचिव, कविता आचार्य कोषाध्यक्षको उम्मेदवार बनेका छन् । कांग्रेस निकट मानिने मुना समूह समावेसी समूहका रुपमा चुनावी प्रतिस्पर्धामा ओर्लिएको हो ।
मतदान केन्द्रहरु
