काठमाडौं—रौतहटको गरुडा नगरपालिका—१ स्थित गजेन्द्रनारायण स्मृति अस्पतालमा फार्मेसी पढिरहेकी एक जना छात्रा मृत फेला परेकी छन् ।
बिहीबार विहान अस्पतालमा बाराको विश्रामपुर—५ घर भएकी १८ वर्षीया छात्रा सुमनकुमारी बैठा होस्टेलको कोठामा मृत फेला परेकी हुन् ।
गरुडा प्रहरीका प्रमुख राजन कार्कीकाअनुसार विहान साढे पाँच बजेतिर बैठा होस्टेलको कोठामा मृत अवस्थामा भेटिएकी थिइन् ।
‘बिहीबार विहान साढे पाँच बजेतिर होस्टेलको कोठामा उहाँ मृत अवस्थामा फेला पर्नुभएको हो,’ कार्कीले भने, ‘अहिले प्रहरीले घटनामाथि थप अनुसन्धान गरिरहेको छ ।’
बैठा डिप्लोमा पहिलो वर्ष अध्ययरत रहेको प्रहरीले जनाएको छ । गजेन्द्रनारायण सिंह स्मृति फाउण्डेसनअन्तर्गत उक्त अस्पताल सञ्चालनमा रहेको छ ।
फाउण्डेसनले डिप्लोमा इन फार्मेसी, पिसिएल इन एमएलटी र पिसिएल इन जनरल मेडिसिन अध्यापन गराउँदैं आएको छ ।
