छत्रेश्वरी–२ को प्रसुती सेवा केन्द्रको भवन उद्घाटन

वीरेन्द्रनगर । सल्यानको छत्रेश्वरी गाउँपालिका–२ दहखोलाको नवनिर्मित प्रसुती सेवा केन्द्रको शिलान्यास भएको छ ।

कर्णाली प्रदेश सरकार सामाजिक विकास मन्त्रालयको आर्थिक बर्ष २०८०।०८१ को विनियोजित ४० लाख बजेटबाट निर्माण कार्य सम्मन्न भएको हो ।अहिले गाउँगाउँमा मातृशिशुहरु सुरक्षित गर्ने अभियान थालिएको छ ।

अभियानमा प्रदेश सकारले आधारभूत स्वास्थ्य सेवालाइ प्रभावकारी बनाउन भवन निर्माणमा पहल गरेको भवनको उद्घाटन गर्दै सल्यान प्रदेश सभा सांसद भीमप्रसाद शर्माले बताए ।‘हिजो सुत्केरी आमाहरु मकै बारीमा सुत्केरी भएको, मेलापात बनजंगलमा सुत्केरी भएको हामीले सुने भोगेका छौ,’ उनले भने,‘यो अवस्था भोग्न नदिन प्रदेश सरकारले गाउँ गाउँमा स्थानिय सरकारसँग समन्वय गरि नागरिकको स्वास्थ्य सेवामा काम थालेको छ ।’

प्रसुती सेवा केन्द्र समुद्घाटन गरिनु एक महत्वपुर्ण दिनको रुपमा लिएको बताउदै प्रसुती सेवा केन्द्रले महिला अधिकार र बालसुरक्षा तथा मातृशिशुको जिवन रक्षा गर्ने ठुलो योगदान पु¥याउने सांसद शर्माको भनाई थियो ।