त्रिवि चिकित्साशास्त्र अध्ययन संस्थानको डिनमा प्रा. डा. मोहनराज शर्मा

काठमाडौं—त्रिवि चिकित्साशास्त्र अध्ययन संस्थान (आईओएम)को डिनमा प्रा.डा. मोहनराज शर्मा नियुक्त भएका छन् । शनिबार बसेको त्रिवि कार्यकारी परिषद्को बैठकले डा. शर्मालाई ४ वर्षका लागि आईओएमको डिनमा नियुक्त गरेको हो ।

१४ असोजमा डिन सिफारिस समितिले सिफारिस गरेका तीन जनामध्येबाट डा. शर्मा डिन नियुक्त भएका हुन् । सिफारिस समितिले डिनका लागि डा. शर्मासहित प्रा.डा. दिव्या सिंह शाह र प्रा.डा. सुधा बस्नेतलाई डिनका लागि सिफारिस गरेको थियो ।

नवनियुक्त डिन डा. शर्मा त्रिवि शिक्षण अस्पतालको न्यूरो सर्जरीका विभागीय प्रमुख थिए ।

निवर्तमान डिन डा. दिव्या सिंह शाहको कार्यकाल ३ असारमा सकिएपछि त्रिवि चिकित्साशास्त्र अध्ययन संस्थानको डिन रिक्त रहेको थियो ।