काठमाडौं—नेपाल नर्सिङ संघको अध्यक्षमा प्रा. चन्द्रकला शर्मा नेतृत्वको प्यानल नै विजयी भएको छ । शनिबार साँझ सकिएको मतगणनामा शर्मा प्रतिस्पर्धी गंगाकुमारी थापाभन्दा झण्डै दोब्बर मतान्तरले अध्यक्षमा विजयी भएकी हुन् ।
शर्माले २१५० मत पाउँदा थापाले १३५० मत ल्याइन् । यस्तै, अध्यक्षकी अर्की उम्मेदवार बसन्ती थापाले भने २८२ मत ल्याइन् ।
वरिष्ठ उपाध्यक्षमा रमेश सुब्बा २०६० मत ल्याएर विजयी हुँदा उनको निकटतम प्रतिद्वन्द्वी कल्पना श्रेष्ठ जोशीले १५९७ मत पाइन् । यसैगरी, उपाध्यक्षमा बबिता घिमिरे २०११ मतका साथ विजयी हुँदा उनकी प्रतिस्पर्धी मनिषा कोइरालाले १५७० मत पाइन् ।
महासचिवमा पनि शर्मा प्यानलकै डा. देवकाकुमारी आचार्य विजयी भइन् । उनले मिनाकुमारी कार्की १३४७ र जानकी धामी ६२२ मतलाई पराजित गरिन् ।
सचिवमा बेली पौडेल र कोषाध्यक्षमा तुलसादेवी अधिकारी विजयी भए ।
