स्वास्थ्यबाट उपसचिव खतिवडा गए, शिवाकोटी र महर्जन आए

काठमाडौं–स्वास्थ्य सेवा विभागका प्रशासनतर्फका उपसचिव भवनाथ खतिवडाको सरुवा भएको छ । उनलाई राष्ट्रिय सर्तकता केन्द्र सरुवा गरिएको छ ।

त्यसैगरी, स्वास्थ्य मन्त्रालयमा दरबन्दी भएका तर हाजिर हुन नआएका उपसचिव सविनसिंह चौधरीको दरवन्दी पनि खाली रहेको थियो । खतिवडा र चौधरीको दरबन्दीमा क्रमसः चन्द्रबहादुर शिवाकोटी र प्रेमकाजी महर्जन आएका छन् ।

यसअघि शिवाकोटी संघीय मामिला तथा सामान्य प्रशासन मन्त्रालयको अतिरिक्त समूहमा थिए भने महर्जन सर्तकता केन्द्रमा थिए ।

आइतबार संघीय मामिला तथा सामान्य प्रशासन मन्त्रालयले ४३ उपसचिवहरुको सरुवा गरेको हो । सोही क्रममा स्वास्थ्यमा लामो समयदेखि रहेका खतिवडाको सरुवा भएको हो ।