काठमाडौं-चिकित्सा शिक्षा आयोगले आगामी शैक्षिक सत्रका लागि चिकित्सा शिक्षा कार्यक्रमको स्नातक तहका लागि सिट बाँडफाँड गरेको छ । ३२ साउनको निर्णयअनुसार आयोगले चिकित्सा शिक्षाका स्नातकका तहका सबै कार्यक्रमका लागि पब्लिक र निजी शिक्षण संस्थाहरुलाई ८ हजार ७० सिट बाँडफाँड गरेको हो ।
एमबीबीएसतर्फ आयोगले २ हजार १४० सिट बाँडफाँड गरेको छ, जुन गत शैक्षिक सत्रको तुलनामा २ सय १५ सिट बढी हो । तर, सरकारी र निजी शैक्षिक संस्थाहरुले एमबीबीएसका लागि २ हजार ६२० सिट माग गरेका थिए ।
आयोगले पहिलोपटक एमबीबीएसतर्फ पोखरा स्वास्थ्य विज्ञान प्रतिष्ठान, राप्ती स्वास्थ्य विज्ञान प्रतिष्ठान र मधेश स्वास्थ्य विज्ञान प्रतिष्ठानलाई ५०/५० सिट दिइएको छ ।
यसैगरी, दुर्गा प्रसाईंको झापास्थित बीएण्डसी मेडिकल कलेजले पनि ५० सिट पाएको छ ।
एमबीबीएसतर्फ पाटन स्वास्थ्य विज्ञान प्रतिष्ठानलाई ६५ सिट दिइएको छ भने महाराजजंग मेडिकल क्याम्पस, युनिभर्सल मेडिकल कलेज, नोबेल मेडिकल कलेज, नेपालजंग मेडिकल कलेज, नेपाली सेना स्वास्थ्य विज्ञान संस्थान, नेपाल मेडिकल कलेज, नेशनल मेडिकल कलेज, मणिपाल मेडिकल कलेज, लुम्बिनी मेडिकल कलेज, केयु स्कुल अफ मेडिकल साइन्सेज, किष्ट मेडिकल कलेज, काठमाडौं मेडिकल कलेज, गण्डकी मेडिकल कलेज, कलेज अफ मेडिकल साइन्सेज, चितवन मेडिकल कलेज, विराट मेडिकल कलेज र विपी कोइराला स्वास्थ्य विज्ञान प्रतिष्ठानले १००/१०० सिट पाएका छन् ।
यसैगरी, देवदह मेडिकल कलेजले ७५ सिट, कर्णाली स्वास्थ्य विज्ञान प्रतिष्ठान र जानकी मेडिकल कलेजले ५०/५० सिट एमबीबीएस अध्यापन गराउने अनुमति पाएका छन् ।
कसले कति सिट पाए ?
