काठमाडौ–स्वास्थ्य तथा जनसंख्या मन्त्री प्रदिप पौडेलले प्रधानमन्त्री केपी शर्मा ओलीलाई मन्त्रालयले १०० दिनमा गर्ने १० बटा कामको कार्ययोजना पठाएका छन् ।
प्रधानमन्त्री वलीले दुई साता अघि सबै मन्त्रालयका मन्त्री र सचिवलाई राखेर १०० दिनमा मन्त्रालयले गर्ने ५ बटा काम तय गर्न लगाएका थिए । सोही अनुसार मन्त्री पौडेल र मन्त्रालयले १० बटा कामको सूची प्रधानमन्त्री कार्यलय पठाएको हो ।
सोही कार्ययोजना अनुसार प्रधानमन्त्री कार्यालयले मन्त्री र सचिवहरुसँग कार्यसम्पादन सम्झाैता गर्दैछन् ।
स्वास्थ्य तथा जनसंख्या मन्त्रालय स्रोतबाट उपलब्ध भएका सय दिनमा गर्ने १० कामको सूचीमा स्वास्थ्य मन्त्री पौडेलले यस अघि अस्पतालको सेवा सुधारको लागि माग गरेको ९ बुँदे कार्ययोजनाका विषय, बुधवार स्वीकृत भएको क्यान्सर रोग उपचार विस्तार कार्यविधि, गेटामा अन्तरंग)ग सेवा संचालन गर्ने, वीरमा बर्न बाड स्थापना लगायत रहेका छन् । यिनै बुधामा आधारित भएर बिहिवार प्रधानमन्त्री वलीले स्वास्थ्य मन्त्री पौडेल र मन्त्रालयका सचिवसँग कार्यसम्पादन सम्झौता गर्दैछन् ।
१ अस्पतालको लाइन व्यवस्थापन, दुई सिफ्टमा ओपीडी संचालन र शल्यक्रियाको अधिकतम समय दुई सातामा झार्ने लगायत
२ त्यसैगरी प्रदेश प्रदेशका १÷१ संद्धिय अस्पतालबाट क्यान्सर उपचार सेवा सुरु गर्ने ।
३गेटा अस्पताल कैलालीबाट अन्तरंग सेवा सुरु गर्ने ।
४ सिंहदरवार वैद्यखानाबाट कम्तिमा २० बटा औषधी उत्पादन सुरु गर्ने, ।
५ वीर अस्पतालमा कृतिपुर अस्पतालको सहयोगमा छुट्टै वर्न बाड संचालन गर्ने ।
६ नवजात शिशुको स्कृनिङ्गकार्यक्रम प्रसुती तथा स्त्री रोग अस्पताल थापाथलीबाट सुरु गरी सवै संघिय अस्पतालमा लागु गर्न । अनिवार्य फिटल स्क्यान सेवा लागु गर्ने ।
७ गंगालाल हृदयरोग केन्द्रको सहयोगमा कम्तिमा एउटा प्रदेशबाट मुटु रोगको सेवा सुरु गर्ने ।
८ नागरिक आरोग्य कार्यक्रम प्रभावकारी बनाउने ।
९ शिक्षा मन्त्रालय, चिकित्सा शिक्षा आयोग संग समन्वय गरी स्वास्थ्य जनशक्ति प्रक्षेपण गर्ने ।
१० स्वास्थ्य गुणस्तर प्राधिकरण विधेयकको मस्यौदा तयार गर्ने ।
