काठमाडौं—कान्तिपुर डेन्टल कलेजले नेपालमै पहिलो पटक न्यूरोमस्कुलर डेन्टिष्ट्री विभागको स्थापना गरेको छ । बिहीबार बसुन्धरास्थित कलेजमा एक पत्रकार सम्मेलन गरेर कलेजले नेपालमै पहिलो पटक न्यूरोमस्कुलर डेन्टिष्ट्री विभाग स्थापना गरेको जानकारी गराएको हो ।
यो विभागअन्तर्गत अनुहारको हाडजोर्नीको समस्या, मोटोपना वा अन्य कारणले घुर्ने समस्या, दाँत एवं अनुहारको आकृति नमिलेको समस्या, खेलकूद सम्बन्धि दन्त चिकित्साजस्ता समस्याको बिना शल्यक्रिया वा शल्यक्रिया गरेर उपचार गर्ने लक्ष्य राखिएको छ ।
विभागमा डा. अंकित शाह, डा. प्रतीक्षा श्रेष्ठ र वरिष्ठ क्रोनोफेसियल सर्जन डा. सुमित सिंह, डा. राजेश रविन्दनाथम, डा. गिरिष पिवी, डा. अभिमन्यु सिंहलगायतका रहेका छन् ।
