काठमाडौं—प्रतिष्ठित फोर्ब्स म्याग्जिनले हरेक वर्ष सार्वजनिक गर्ने एसियाका प्रभावशाली युवाको ‘फोर्ब्स ३० अन्डर ३० एसिया’को सूचीमा दुई जना उद्यमी नेपाली युवतीहरु परेका छन् । सोसल इम्प्याक्ट विद्यामा ह्याप्पी माइन्ड्सकी संस्थापक २८ वर्षीया श्रेया गिरी र आर्ट (आर्ट एण्ड स्टाइल, फुण्ड एण्ड ड्रिक्स) विद्यामा भेगन डेरी नेपालकी संस्थापक २८ वर्षीया काजोल सेठिया परेका हुन् ।
दुवै जना समाजमा फरक उद्यम गरिरहेका युवा उद्यमी हुन् । अझ रोचक त के भने एउटा दुवै जना स्वास्थ्यसँग सम्बन्धित उद्यमी हुन् । श्रेयाले मानसिक स्वास्थ्यका क्षेत्रमा काम गरिरहेकी छन् भने काजल स्वस्थ खाना उत्पादनमा काम गरिरहेकी छन् ।
श्रेया नेपाली डिजिटल मेन्टल हेल्थ प्लाटफर्म ह्याप्पी माइन्डस्की संस्थापक हुन् । लण्डनबाट पढाइ सकेपछि नेपाल फर्केर उनले मानसिक रोग विरुद्धको अभियानमा सक्रिय भइन् । ह्याप्पी माइन्ड्सले व्यक्तिगत रुपमा अनलाइनमार्फत फेस टु फेस काउन्सिल र सामूहिक वर्कसपहरु पनि संचालन गर्दै आएको छ ।
ह्याप्पी माइन्ड्ससँगको सहकार्यमा युनिलिभर नेपाल, लिपफ्रग र द ब्रिटिस कलेजजस्ता संस्थाहरुले आफ्ना कर्मचारीहरुलाई निःशुल्क मनोवैज्ञानिक परामर्श प्रदान गर्दै आएका छन् । सन् २०२२ को सार्क स्टार्टअप एवार्डमा ह्याप्पी माइन्ड्स नेपालबाट उत्कृष्ट न्यूकमर घोषित भयो भने गिरी नेपालको प्रतिनिधित्व गर्दै बैंककमा भएको युथ कोःल्याब सटिमा पनि सहभागी भइन् ।
काठमाडौंकै काजल सेठिया फाउण्डर भेगन डेरी नेपालकी संस्थापक हुन् । काजलको साकाहारी जर्नी त्यतिबेला सुरु भयो जब उनी सिंगापुरबाट इन्जिनियरिङ पढेर फर्किइन् । नेपाल फर्किएपछि सन् २०१८ मा उनले भेगन डेरी नेपाल सुरु गरिन् । जसले साहाकारी प्रडक्ट जस्तैः दुध, चिज, दही, बटर र हेल्थ सप्लीमेन्टहरु उत्पादन गर्छ ।
सन् २०२४ को सुरुवातमा सेठियाले आफ्नो दोस्रो भेन्चर्स मकालु सुरु गरिन् । हिमालयमा डालेचुक (सी बकर्थन बेरी) खेती गरिरहेका किसानसँगको सहकार्यमा त्यो जुसलाई बोतलिङ गर्न सुरु गरिन्, जुन शताब्दी औं देखि परम्परागत औषधिका रुपमा प्रयोग हुँदैं आएको छ । क्रुरतामुक्त लाइफस्टाइलको वकालतका लागि उनले सन् २०१९ मा पेटा एसियाको प्रतिष्ठित अभियन्ता एवार्ड प्राप्त गरेकी थिइन् ।
-एजेन्सीको सहयोगमा
