काठमाडौं–अख्तियार दुरुपयोग अनुसन्धान आयोगले प्रदेश स्वास्थ्य निर्देशनालय धनकुटाका तत्कालीन निर्देशक चन्द्रदेव मेहतासहित ५ जना विरुद्ध विशेष अदालतमा मुद्धा हालेको छ ।
आइतबार अख्तियारले कोशी अस्पताल कोभिड–१९ केन्द्र, विराटनगरमा हाई डिपेन्डेन्सी युनिट (एचडियु) जडान तथा सचालन गर्न सामाग्री खरिदको क्रममा अनियमितता भएको भन्दै तत्कालीन निर्देशक तथा खरिद समितिका संयोजक मेहतासहित ५ जना विरुद्ध मुद्धा दायर गरेको हो ।
मुद्धा दायर गरेकामा प्रदेश स्वास्थ्य आपूर्ति केन्द्र विराटनगरका बायोमेडिकल इन्जिनियर कुशल दाहाल, स्वास्थ्य निर्देशनालय, धनकुटाका लेखा अधिकृत डण्डरसिंह विश्वकर्मा, खोप अधिकृत उदेशकुमार श्रेष्ठ, मेडिकल इक्वीपमेन्ट सप्लायर्स विशाल पण्डित र हस्पिटेक इन्टरप्राइजेजका बजार व्यवस्थापक मनोजकुमार आचार्य रहेका छन् ।
उनीहरु ५ जनालाई नै जनही २ करोड ८९ लाख ६६ हजार ६० रुपैयाँ बिगो तोकी कारवाहीको माग दावी गरिएको छ ।
