समाजवादीबाट भानुभक्त जोशी सामान्य प्रशासन, धनबहादुर बुढा सहरी विकास मन्त्री

काठमाडौं—नयाँ गठबन्धन सरकारमा एकीकृत समाजवादीबाट दुई जना मन्त्री हुने भएका छन् । प्रधानमन्त्री पुष्पकमल दाहालले समाजवादीबाट भानुभक्त जोशीलाई सामान्य प्रशासन र धनबहादुर बुढालाई सहरी विकास मन्त्री नियुक्त गरेका हुन् ।

बुढा डोल्पाबाट निर्वाचित सांसद हुन् भने जोशी बझाङबाट निर्वाचित भएका हुन् । जोशी यसअघि संसदको शिक्षा समितिका सभापति थिए ।

अब दाहाल सरकारमा स्वास्थ्य तथा जनसंख्या मन्त्रालय र वन मन्त्रालयले मन्त्री पाउन बाँकी छ । सम्भवतः यो दुई मन्त्रालय जनता समाजवादी पार्टीले लिनेछ ।