प्रहरीको प्राविधिकतर्फको एसपीमा बढुवाका लागि ४ जना चिकित्सक सिफारिस

काठमाडौं—नेपाल प्रहरीको प्राविधिकतर्फको प्रहरी उपरीक्षक (एसपी)मा बढुवाका लागि चार जना चिकित्सकहरु सिफारिस भएका छन् ।

सोमबार प्रहरीको बढुवा समितिको बैठकले प्राविधिक समूहको चिकित्सक उपसमूहतर्फ एसपीमा बढुवाका लागि चार जनाको नाम सिफारिस गरेको हो ।

लुम्बिनी प्रदेश प्रहरी अस्पताल बाँकेमा कार्यरत डा. अर्जुनप्रसाद डुम्रे, कोशी प्रदेश प्रहरी अस्पतालकी डा. रोजीना मानन्धर, नेपाल प्रहरी अस्पताल आँखा रोग शाखाका डा. ज्योती बाँस्तोला पौडेल र सुदूरपश्चिम प्रहरी अस्पताल दिपायलमा कार्यरत चिकित्सक डा. सागरकुमार दुवाल श्रेष्ठ एसपीमा बढुवाका लागि सिफारिस भएका हुन् ।