काठमाडौं–चिकित्सा शिक्षा आयोगले प्रविधिक शिक्षा तथा व्यवसायिक तालिम परिषद् (सिटीइभिटी)अन्तर्गत संचालन हुने गरी ७२ वटा स्वास्थ्य संस्थालाई आशय पत्र प्रदान गर्ने निर्णय गरेको छ ।
सोमबार बसेको आयोगको पूर्ण बैठकले देशभरीका ७२ वटा स्वास्थ्य प्राविधिक पढाउने प्रमाणपत्र तहका कार्यक्रम संचालन गर्ने प्रक्रिया सुरु गर्नलाई आसय पत्र प्रदान गर्ने निर्णय गरेको हो ।
जसमा ४ वटा नर्सिङ कलेज रहेका छन् । त्यसैगरी अधिकांश सामान्य चिकित्सा, मेडिकल ल्याब टेक्नोलोजी, रेडियोग्राफी र डिप्लोमा इन फार्मेसी रहेका छन् ।
चिकित्सा शिक्षा ऐन आउनु अघि टिएसएलसी अध्यापन गराइरहेका तर बीचमा छुटेका कलेजले यसपटक नयाँ प्रक्रियाबाट आसय पत्र पाएका हुन् ।
आसय पत्र पाएका कलेजहरुको सिटिइभिटी र आयोगको अनुगमनपछि अध्ययन अध्यापनका लागि सिट निर्धारण गरिने आयोगका निर्देशक डा. दिलिप शर्माले जानकारी दिए ।
सूचीसहित
