सात हप्ताकी डेनवर कोलमैनको अहिले अहिले थाहा छैन, उनी कति ठूलो चमत्कारपछि दुनियाँमा आउन सकेकी हुन् । जब उनी शिशुका रुपमा आमाको गर्भमा थिइन्, त्यहीबेला उनको ब्रेनको सर्जरी भएको थियो ।
बोस्टन नजिकै बसोबास गर्ने यी बच्चीले यो एक्सपेरिमेन्टल सर्जरीमा सामेल भएर इतिहास रचेकी छन् ।
बोस्टन चिल्ड्रेन हस्पिटलका विशेषज्ञ चिकित्सक डा. डैरेन ओरवैककाअनुसार बालिकाको ब्रेनमा रेयर ब्लड भेसल एबनर्मोलिटी (नसामा ब्लड कलटिङको समस्या) थियो । मेडिकल साइन्समा यसलाई भेन अफ गेलेन मालफर्मेसन (भीओजीएम) भनिन्छ ।
यस अवस्थामा ब्रेनबाट मुटुसम्म रगत जाने नसाहरु सही ढंगले विकसित भएका हुँदैनन्, जसका कारण मुटुमाथि दबाब पर्छ ।
मष्तिस्कभित्र १४ मीमीको पाकेटमा जम्मा भइरहेको थियो रगत
डा. ओरबैक भन्छन्, ‘डेनवरको दिमागमा १४ मिमी चौडा पाकेटमा रगत जम्मा हुन लागेको थियो । यसबाट अक्सर बच्चाको हार्ट फेल वा ब्रेन ड्यामेज हुन्छ । उनीहरु लामो समयसम्म जिउँदो रहन सक्दैनन् ।’ डा. ओरबैककाअनुसार ३६ वर्षीया केन्याटा कोलमैनको गर्भावास्थाको ३० औं हप्ताको रुटिङ अल्ट्रासाउण्डमा यो समस्या पत्ता लागेको थियो ।
डेनेवरको अल्ट्रासाउण्ड इमेज १५ मार्चमा लिइएको थियो । जब उनी आमाको गर्भमा थिइन् र उनको ब्रेन सर्जरी भइरहेको थियो ।
१५ मार्चको गर्भावास्थाको ३४ औं हप्तामा चिकित्सकहरुले ऐतिहासिक क्लिनिकल ट्रायलका लागि सर्जरीको योजना बनाए । आमालाई स्पाइनल एनेस्थेटिक दिइएको थियो ताकि उनी चेतन अवस्थामा रहनु । उनी सर्जरीको पूरा समय हेडफोनमा म्युजिक सुनिरहेकी थिइन् ।
भ्रुणलाई घुमाएर निडिल पुर्याउन चुनौतीपूर्ण थियो । डा. ओरबैक भन्छन्, ‘दोस्रो चरण थियो भ्रुणलाई घुमाउनु ताकि ब्रेनको अगाडि ल्याएर पहुँच बनाउन सकियोस् । भ्रुणलाई पीडाबाट बचाउन र मुभमेन्ट रोक्नका लागि इन्जेक्सन दिइएको थियो ।’
अमेरिकी अस्पतालमा मेडिकल मीराकल
डा. ओरबैककाअनुसार १० जना डाक्टरुको टिमले लामो निडललाई भ्रुणसम्म पुर्याउनका लागि अल्ट्रासाउण्डको सहयोग लिएका थिए । नसाहरु पूर्ण रुपमा विकसित भएका थिएनन्, जसका कारण रगतको फ्लो बढी थियो । टिमका सदस्यहरुले निडलको सहयोगमा यसको चारैतिर केथेटर पुर्याए । जसमा रगतबाट भरिएको ठाउँमा सानो—सानो प्लेटिनम कोइल हाल्न सकियो । हरेक कोइलभित्र जाँदा विस्तारित हुन्थ्यो, जसले धमनी र नसाको जक्सनलाई ब्लक गर्न सहयोग मिल्यो ।
यही दौरान टिमका केही सदस्यहरुले बच्चीको दिमागमा ब्लड फ्लोको निगरानी राखे । जब रक्तचाप सामान्य अवस्थामा आएको सुनिश्चित भयो, तब कोइल इन्जेक्ट गर्न बन्द गरियो र सावधानीपूर्वक निडलहरु हटाइयो ।
यो सर्जरी २० मिनेटमा भएको थियो । पूरा प्रक्रियामा दुई घण्टा लागेको थियो । सर्जरी सफल भयो । यसको दुई दिनपछि डेनेवर दुनियाँमा आइन् ।
‘रक्तचाप सामान्य भएपछि मात्र राहत महसुस भयो,’ डा. ओरबैक बताउँछन्, ‘स्क्रीनिङका दौरान प्रमुख भागहरुमा रक्तचाप सामान्य देखियो । जन्मिदा बच्चाको वजन १.९ किलो थियो । कुनै पनि जन्मजात अक्षमता पनि थिएन ।’ डा. ओरबैककाअनुसार अहिले आमा र छोरी दुवै पूर्ण रुपमा स्वस्थ छन् ।
बच्चीकी आमा केन्याटा भन्छिन्, ‘जब छोरी रोएको सुने । त्यो बेलाको अनुभूति बयान गर्न सक्दिनँ ।’
-दैनिक भाष्करबाट भावानुवाद
