बाथलगायत स्वास्थ्यसम्बन्धी दीर्धकालिन समस्या भएका मानिसका लागि आद्र मौसम अझै बढी पीडादायी हुने एक अध्ययनले देखाएको छ । चिसोले झनै बढी पिडा गर्ने तर, मौसमको अशरका बारेमा वास्तवमै थोरै अनुसन्धान हुने गरेको अध्ययनले बताएको छ । म्यान्चेस्टर युनिर्भसिटीले २५ सय मानिसहरुकोबारेमा अध्ययन गरेको थियो । अनुसन्धानकर्ताहरुले स्मार्टमाफोनमार्फत उनीहरुले तथ्यांक संकलन गरेका थिए ।
क्लाउडे विथ र चान्स अफ पेन नाम दिइएको सो अध्ययनमा वैज्ञानिकहरुले बाथ, माईग्रेन र स्नायुसम्बन्धी पीडा भएका बेलायतका २५ सय बिरामीबारे अध्ययन गरेका थिए । उनीहरुले हरेक दिन पीडाका लक्षण रेकर्ड गरेका थिए । त्यस्त,ै उनीहरु रहेको स्थानबारे फोनमा रेकर्ड गरिएको थियो ।
अध्ययन अनुसार आद्र र हावा लाग्ने दिनमा बिरामीलाई सामान्य दिनमा भन्दा बढी पीडा देखिएको थियो । तर, सामान्य लाग्ने मौसम वा बर्षातको समय बिरामीका लागि कुनै सम्बन्ध थिएन ।
युनिर्भसिटी अफ म्यान्चेस्टरको सेन्टर फर इपिडिमियोलोजी भर्सेज आथ्राईटिसका प्राध्यापक विल डिक्सनले भने, ‘बाथका बिरामीलाई मौसमले अशर गरेको देखिन्छ ।’ उनले भने , ‘बाथ रोग लागेका करिब तीन चौथाई मानिसले मौसमका कारण आफूहरुलाई थप पीडा भएको बताएका छन ।’
पीडा किन आद्रतासँग सम्बन्धित छ भन्ने बारेमा अन्य अनुसन्धानकर्ताहरुले थप अध्ययन गरेमा त्यसले नयाँ उपचारको ढोका खोल्ने समेत उनले बताए । बेलायतका झन्डै १ करोड मानिसमा बाथको समस्या छ र उनीहरुमध्ये धेरैलाई हरेक दिन जीवन नै बदल्ने पीडा हुने बताए ।
–एजेन्सी
