काठमाडौं – नेपाल स्वास्थ्य व्यवसायी परिषद्द्वारा पूर्व अध्यक्ष र पूर्व रजिस्ट्रारहरू सम्मानित भएका छन् । बुधवार परिषद्को २७ औँ वार्षिकोत्सवको उपलक्ष्यमा परिषद्का पूर्व अध्यक्ष तथा रजिस्ट्रारहरूलाई सम्मानित गरिएको हो ।
पूर्व अध्यक्षहरू भरत झा, प्राडा. शिवकुमार राई, हरि कुमार लम्साल, डा. श्रवणकुमार मिश्र, दिपेन्द्र कुमार झा र राम प्रसाद भण्डारी लाई स्वास्थ्य तथा जनसङ्ख्या मन्त्री पदम गिरीले कदर पत्र प्रदान गर्दै दोसल्ला ओढाएर सम्मान गरेका हुन् ।
त्यस्तै परिषद्ले पूर्व रजिस्ट्रारहरू श्याम भाइ गौतम, राम सागर चौधरी, धनप्रसाद पौडेल, शोभा गौतम, कुम्भराज खाति र काशिनाथ रिमाललाई पनि सम्मान गरेको हो । उनीहरूलाई स्वास्थ्य तथा जनसङ्ख्या मन्त्री पदम गिरीले कदर पत्र प्रदान गर्दै दोसल्ला ओढाएर सम्मान गरेका हुन् ।
