विश्व स्वास्थ्य संगठन (डब्लुएचओ) ले विश्वव्यापी स्वास्थ्य आपतकाल अवधिलाई लम्ब्याएको छ । सन् २०२० को जनवरीदेखि लागू भएको कोभिड–१९ पीएचईआईसी (पब्लिक हेल्थ इमर्जेन्सी अफ इन्टरनेशनल कन्सर्न) स्थितिलाई अन्तर्राष्ट्रिय स्वास्थ्य परिषद्को आपतकालीन समितिको बैठकपछि थप तीन महिनाका लागि लम्ब्याइएको डब्लुएचओले जनाएको हो ।
डब्लुएचओका महानिर्देशक चलिरहेको कोभिड-१९ महामारीको सम्बन्धमा समितिले दिएको सल्लाहसँग सहमत भएको र यो घटनाले अन्तर्राष्ट्रिय चासोको सार्वजनिक स्वास्थ्य आपतकाललाई केही समय लम्ब्याउने निर्णय जारी गरिएको डब्लुएचओले जनायो ।
डब्ल्यूएचओका विज्ञहरूका अनुसार, “कोभिड-१९ महामारी सम्भवतः संक्रमणको बिन्दुमा छ।“ कोभिड -१९ महामारी एक इन्फ्लेक्सन विन्दुमा पुग्न सक्ने समितिले स्वीकार गरेको छ ।
विश्वव्यापी रूपमा जनसंख्याको प्रतिरोधात्मक क्षमताको उच्चस्तर हासिल गरेर या त संक्रमण वा खोपको माध्यमबाट, बिरामी दर र मृत्यु दरमा सार्स कोभ-१९ को प्रभावलाई सिमित गर्न सकिने उनले बताए ।
तर, यो भाइरस निकट भविष्यको लागि मानव र जनावरहरूमा स्थायी रूपमा स्थापित रोगजनक रहनेछ भन्नेमा थोरै आशङ्का पनि रहेको जनाइएको छ ।
“मानव र जनावरको भण्डारबाट यो भाइरस हटाउने एकदमै असम्भव भएतापनि संक्रमणदर र मृत्युदरमा यसको विनाशकारी प्रभावलाई न्यूनीकरण गर्न सम्भव छ र यसलाई प्राथमिकताको लक्ष्यको रूपमा जारी राख्नुपर्छ,“ डब्ल्यूएचओले भनेको छ।
त्यस्तै डब्ल्यूएचओले (पब्लिक हेल्थ इमर्जेन्सी अफ इन्टरनेशनल कन्सर्न) समाप्त भएपछि पनि कोभिडविरुद्धको प्रयास जारी राख्न वैकल्पिक संयन्त्र निर्माण गर्न सुझाव दियो ।
एजेन्सीको सहयोगमा
