काठमाडौं—बागमती प्रदेशको स्वास्थ्यमन्त्रीमा रामेश्वर श्रेष्ठ नियुक्त भएका छन् । बुधबार श्रेष्ठले बागमती प्रदेशको स्वास्थ्यमन्त्रीको शपथ लिएका हुन् ।
उनी एमालेका प्रदेश सांसद हुन् । बागमती प्रदेशका मुख्यमन्त्री शालिकराम जमरकट्टेलले बुधबार मन्त्रिपरिषद्लाई पूर्णता दिदैं आन्तरिक मामिलामा गंगानारायण श्रेष्ठ, कुमारी मोक्तान सामाजिक विकास मन्त्री, युवराज दुलाल भौतिक पूर्वाधार विकास मन्त्रीको जिम्मेवारी दिएका छन् । यसैगरी, एमाले सांसद केशवप्रसाद पोखरेल कृषि, एकालाल श्रेष्ठ श्रम र श्रेष्ठले स्वास्थ्यको जिम्मेवारी पाएका छन् भने राप्रपाका डम्बर तामाङले पर्यटन र राजु विष्टले वन मन्त्रालयको जिम्मेवारी पाएका छन् ।
यसैगरी, कर्णाली प्रदेशको सामाजिक विकास मन्त्रीमा एमालेका टेकराज पछाई नियुक्त भएका छन् । कर्णालीका मुख्यमन्त्री राजकुमार शर्माले जिम्मेवारी तोकेका हुन् । मुख्यमन्त्री शर्माले मंगल शाहीलाई भौतिक पूर्वाधार, कृष्ण जिसी आन्तरिक मामिला, भीमप्रकाश शर्मा भूमी व्यवस्था, विनोदकुमार शाह आन्तरिक मामिला, जीतबहादुर बुढा उधोग मन्त्री बनेका छन् ।
