काठमाडौं—स्वास्थ्य प्रवर्द्धन तथा शिक्षा संघ नेपालको अध्यक्षमा डा. शालिकराम धिताल निर्विरोध निर्वाचित भएका छन् । १६ पुसमा सम्पन्न संघको छैटौं साधारणसभामाले डा. धितालको नेतृत्वमा ११ सदस्सीय केन्द्रीय समिति गठन गरेको हो ।
संघको उपाध्यक्षमा हेमराज खड्का, महासचिवमा डा. भक्तबहादुर केसी, सचिवमा शैलेन्द्रकुमार पाण्डे, कोषाध्यक्षमा विनोदकुमार अर्याल चयन भएका छन् । यस्तै, सदस्यहरुमा शिला श्रेष्ठ, वसन्त चालिसे, रामकुमार श्रेष्ठ, ऋषिराम शर्मा, केशवराज जोशी र प्रविनकुमार गाई चुनिएका छन् ।
वि.सं. २०७० सालमा गठित उक्त संघमा शिक्षा समूहमा कम्तिमा स्नातक गरेका सदस्यहरु मात्र हुन पाउने व्यवस्था रहेको छ । प्रत्येक नेपाली नागरिकको गुणस्तरीय स्वास्थ्यमा सर्वव्यापी पहुँचको सुश्चितमा टेवा पु¥याउनु आफ्नो मुख्य उद्धेश्य रहेको संघले जनाएको छ ।
