काठमाडौं—नेपालमा एक वर्षमा ३० वटा विदेशी औषधी उधोग दर्ता भएको पाइएको छ । बुधबार स्वास्थ्य तथा जनसंख्यामन्त्री भवानीप्रसाद खापुङको प्रमुख आतिथ्यतामा आयोजित एक कार्यक्रममाझ विभागले आफ्नो आर्थिक वर्ष २०७८/०७९ को प्रगति विवरणमा ३० वटा विदेशी औषधी उधोग दर्ता भएको उल्लेख छ ।
विभागकाअनुसार गत आर्थिक वर्षमा ३ सय ३० वटा नयाँ विदेशी औषधी दर्ता भएका छन् ३ हजार ७ सय ५७ विदेशी औषधीको नवीकरण गरिएको छ । यस्तै, २ सय २७ वटा विदेशी औषधी पुनः दर्ता भएका छन् ।
विभागले गत वर्ष फार्मेसीहरुको निरीक्षणमा लक्ष्यभन्दा बढी प्रगति हासिल गरेको छ । विभागको वार्षिक तथ्यांकअनुसार देशभर वार्षिक ३ हजार ३ सय फार्मेसी निरीक्षण गर्ने लक्ष्य राखिएको थियो । तर, विभागले आर्थिक वर्षभरिमा ३ हजार ६ सय ६३ औषधी पसल तथा फार्मेसीको निरीक्षण गरेको छ । विभागले यो अवधिमा २ हजार २ सय ९३ नयाँ फार्मेसी दर्ता गरेको छ भने १३ हजार ६ सय २२ फार्मेसी नवीकरण गरेको छ । ९ सय २४ फार्मेसी रद्ध भएका छन् ।
यसैगरी विभागले गत आर्थिक वर्षमा ६२ वटा औषधी उधोगको निरीक्षण गर्ने लक्ष्य लिएको थियो । तर, उसले ८८ वटा औषधी उधोगको मात्रै निरीक्षण गर्न सकेको छ । जुन ९५.६५ प्रतिशत हो ।
विभागले गत आर्थिक वर्षमा ८ सय ७४ वटा नयाँ अनुज्ञापत्र प्रदान गरेको छ भने ६ हजार ७ सय १५ अनुज्ञापत्र नवीकरण गरेको छ । यसैगरी, ६ सय ५५ बजार बिक्री वितरण प्रमाणपत्र प्रदान गरेको छ भने ४ हजार ५ सय ९३ नवीकरण गरेको छ ।
विभागले १ हजार २ लाई पैठारी सिफारिस पत्र प्रदान गरेको छ भने ५ हजार ५ सय २३ को नवीकरण गरेको छ ।
विभागले औषधी मुल्यांकन समितिको बैठक ८ पटक बसेर ९३ औषधीको विशेष सिफारिस गरेको छ ।
विभागले यो अवधिमा औषधी सम्बन्धी कानुनलाई संशोधन र एकीकरण गर्ने सम्बन्धमा व्यवस्था गर्न बनेको विधेयकको प्रारम्भिक मस्यौदा स्वास्थ्य मन्त्रालयमा बुझाएको जनाएको छ । साउथ इष्ट एसिया रेगुरेटरी नेटवर्कको नेपालका लागि कार्य समूह गठन गरेको, औषधी उत्पादन कुशल अभ्यास संहिता, २०७८ (पहिलो संशोधन) मस्यौदा तयार गरेको, औषधी मूल्य र्निाधारण कार्यविधी÷कार्यप्रक्रिया मन्त्रालय पठाइएको प्रगति विवरणमा छ ।
