सरकारले कर्मचारी समायोजनको प्रक्रिया चलाएपछि समायोजनमा भएको गुनासो बोकेर मंगलबार विभिन्न जिल्लाबाट स्वास्थ्य तथा जनसंख्या मन्त्रायलमा धाएका स्वास्थ्यकर्मी ।
समायोजनले १८ हजार कर्मचारीलाई बेहाल बनाएको छ, अधिकांश स्वास्थ्यकर्मी पत्र पाए पनि आफूहरुलाई पायक नपरेको गुनासो बोकेर मन्त्रालयमा पुगेका छन् ।
मन्त्रालयले समायोजनमा भएको गुनासो दर्ता गर्न केही दिनअघि मात्र सूचना जारी गरेको थियो । आगामी १७ गतेसम्म गुनासो दर्ता गर्न पाइने भएपछि मन्त्रालयमा गुनासो लिएर आउनेको संख्याका कारण मन्त्रालय दशैँको हाट बजार जस्तो भएको छ ।
समायोजनमा टाढा पुग्ने समस्या त एकातिर छदैंछ, अर्कोतिर समायोजनमा कतिपयको पद घटुवा भएर मन्त्रालय धाउनेको संख्या पनि उत्तिकै छ ।
समायोजनको पत्र लिएर तोकिएको गाउँपालिकाको सुविधासम्पन्न स्वास्थ्य संस्थामा जानका लागि चाँडो समायोजन पत्र हात पार्ने दौडधुप नै चलेको छ ।
सरकारले सबै सरकारी कार्यालयको काम अनलाइनमार्फत गर्ने योजना बनाएको छ । तस्बिरहरुः हेल्थ आवाज
