काठमाडौं—सरकारी चिकित्सक संघ (गोदान)को मधेश प्रदेश शाखा गठन भएको छ । प्रदेशका विभिन्न स्थानीय, प्रदेश र संघीय अस्पतालका कार्यरत सरकारी चिकित्सकहरुले गोदानको मधेश प्रदेश शाखा गठन गरेका हुन् ।
गोदानको मधेश प्रदेश शाखाको अध्यक्षमा डा. श्रीकृष्णकुमार यादव चयन भएका छन् । उपाध्यक्षमा डा. जितेन्द्र जयसवाल, महासचिवमा डा. अजयकुमार यादव, सचिवमा डा. मनिष भारद्वाज र कोषाध्यक्षमा डा. संजयकुमार यादव चयन भएका छन् ।
यसैगरी, सदस्यहरुमा डा. सतिसकुमार साह, डा. गौरव महतो, डा. रोशन चौधरी, डा. विनय प्रभाकर राई र डा. राधेश्याम राय चुनिएका छन् । गोदानको मधेश प्रदेश शाखाको सल्लाहकारमा अस्पतालका मेसुहरु, डा. रामनरेश पण्डित, डा. मनिष पाण्डे र डा. जामुन सिंह रहेका छन् ।
गोदानको उक्त शाखालाई केन्द्रीय समितिले सहर्ष स्वीकार गर्दै बधाई समेत ज्ञापन गरेको छ ।
