काठमाडौं–नेपाल स्वास्थ्य सेवाका विभिन्न समूह, उपसमूहमा कार्यरत कर्मचारीलाई संघ प्रदेश र स्थानीय तहमा समायोजन गर्दा प्राप्त भएका गुनासो सम्बोधन गर्न गठित गुनासो व्यबस्थापन एवं सहजिकरण समितिको संयोजकमा स्वास्थ्य समन्वय महाशाखाका प्रमुख महेन्द्रप्रसाद श्रेष्ठलाई पुनः जिम्मा दिइएको छ । उपप्रधान एंव स्वास्थ्य तथा जनसंख्या मन्त्रालयको मंगलबारको मन्त्रिस्तरको निर्णयले श्रेष्ठलाईसो जिम्मेवारी दिएको हो ।
समितिका सदस्यहरुमा स्वास्थ्य तथा जनसंख्या मन्त्रालयका उपसचिब इन्द्र गौतम, मन्त्रालयकै उपसचिब (कानून तर्फ) पुस्करराज नेपाल, ज.स्वा.प्र. शम्भु काफ्ले, शाखा अधिकृत घनश्याम पोखरेल र स्वास्थ्य सेवा विभाका अधिकृत मनिष सिंह रहेका छन् ।
समितिले कर्मचारी समायोजन ऐन, २०७५, नेपाल सरकारका साथै संघीय मामिला तथा समान्य प्रशासन मन्त्रालयको विभिन्न समयको निर्णय एंव निर्देशनको कार्यन्वयन गर्नेछ । साथै, समितिले मौजुदा कानूनको अधिनमा रही समायोजनका सम्बन्धमा मन्त्रायलमा परेका गुनासो दर्ता गरी आवश्यकता अनुसार समायोजन व्यबस्थापनको लागि निर्णय गर्नेछ ।
समितिले समायोजनका क्रममा भएका त्रुटी र विभिन्न तहबाट आएका गुनासा हेर्न सुरु गरेको छ ।
