काठमाडौं—नेपालमा थप ३ हजार ५१ जनामा कोरोना संक्रमण पुष्टि भएको छ । पछिल्लो २४ घण्टामा १ हजार २ सय ९ महिला र १ हजार ८ सय ४२ पुरुष गरेर ३ हजार ५१ जनामा थप संक्रमण पुष्टि भएको स्वास्थ्य तथा जनसंख्या मन्त्रालयले जनाएको हो।
कोरोना संक्रमणबाट काठमाडौँ उपत्यका सबैभन्दा बढी प्रभावित छ। काठमाडौँ उपत्यका ६ सय १ महिला र ७ सय ९७ पुरुष गरेर थप १ हजार ३ सय ९८ जना संक्रमित थपिएको छ ।
यस्तै, पछिल्लो २४ घण्टामा ३ हजार ४ सय ३० जना संक्रमित कोरोना संक्रमणमुक्त भएका छन् । हालसम्म कोरोनामुक्त हुने संख्या १ लाख ४८ ह्जार ४ सय ८ पुगेको छ।
यस्तै, हाल आइसीयुमा ४ सय २८ जना र भेन्टिलेटरमा ७४ जना संक्रमित छन् । भने हाल ३६ हजार ५ सय १४ केस सक्रिय रहेको छ ।
थप १८ जना संक्रमितको निधन
बिहिबार मात्रै १८ जना संक्रमितको निधन भएको छ । यससँगै नेपालमा मृत्यु हुने संक्रमितको संख्या १ हजार ५२ जना पुगेको हो ।
