काठमाडौं—कोरोना भाइरस संक्रमण फैलिएयता नेपालमा ९५ जनामा स्वास्थ्यकर्मीहरुमा संक्रमण देखिएको छ । स्वास्थ्य सेवा इपिडिमियोलोजी तथा रोग नियन्त्रण महाशाखाले उपलब्ध गराएको तथ्यांकअनुसार सबैभन्दा बढी प्रदेश ५ मा २२ जना स्वास्थ्यकर्मी कोरोना संक्रमित भएका छन् ।
सबैभन्दा कम प्रदेश १ मा तीन जना संक्रमित भएका छन् । प्रदेश १ मा एक जना अहेब र दुई जना स्टाफ नर्स संक्रमित भएका छन् ।
प्रदेश २ मा स्वास्थ्य संस्थामा काम गर्ने १६ जनामा कोरोना संक्रमण देखिएको छ । जसमा ६ जना अहेब, ४ जना हेल्थ असिस्टेन्ट, २ जना स्टाफ नर्स, १ जना एम्बुलेन्स ड्राइभर, एक जना कम्प्युटर अपरेटर र एक जना स्वास्थ्य कार्यकर्ता छन् ।
बागमती प्रदेशमा १५ जना स्वास्थ्यकर्मी संक्रमित भएका छन् । जसमा ६ जना मेडिकल अफिसर, १ जना नर्सिङ अफिसर, ३ जना स्टाफ नर्स र ५ जनाको खुलेको छैन ।
गण्डकी प्रदेशमा १ जना हेल्थ सब कोर्डिनेटर, १ जना ल्याब असिस्टेन्ट, ३ जना मेडिकल अफिसर र १ जना नर्स र २ जना कार्यलय सहायक गरी ८ जनामा संक्रमित भएका छन् ।
प्रदेश ५ मा २२ जना स्वास्थ्यकर्मी संक्रमित भएका छन् । जसमा ५ जना अहेब, १ जना एएनएम, १ जना अस्पताल निर्देशक, एक जना ल्याब असिस्टेन्ट, १ जना स्वास्थ्य सह—संयोजक, ७ जना स्टाफ नर्स र ६ जना मेडिकल अफिसर रहेका छन् ।
कर्णाली प्रदेशमा १५ जना स्वास्थ्य संस्थामा काम गर्ने व्यक्ति संक्रमित भएको इडिसिडीको तथ्यांक छ । जसमा बायो मेडिकल असिस्टेन्ट १ जना, फार्मेसी एसिस्टेन्ट १ जना, हेल्थ असिस्टेन्ट १ जना, हेल्थ वर्कर १ जना, ल्याब असिस्टेन्ट १ जना र ल्याब टेक्नीसियन ४ जना, ल्याब टेक्नोलोजिष्ट २ जना, मेडिकल अफिसर १ जना, रेडियोग्राफर १ जना र क्यासियर १ जना रहेका छन् ।
