काठमाडौं—काठमाडौं उपत्यकामा ५४ जनासहित नेपालमा थप १८० जनामा कोरोना भाइरस (कोभिड—१९) पुष्टि भएको छ । स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा थप १८० जनामा कोरोना पुष्टि भएको हो ।
सोमबार काठमाडौं उपत्यकामा अहिलेसम्मकै सबैभन्दा बढी ५४ जनामा कोरोना पोजेटिभ देखिएको हो । जसमध्ये काठमाडाैंका २४ जनामा कोरोना संक्रमण पुष्टि भएको छ । यस्तै, ललितपुरमा २० जनामा कोरोना पुष्टि भएको छ । भक्तपुरमा भने १० जनामा कोरोना संक्रमण देखिएको हो ।
पछिल्लो २४ घण्टामा नेपालमा कोरोना निको भएर २६४ जना डिस्चार्ज छन् । अहिलेसम्म नेपालमा कोरोना जितेर डिस्चार्ज हुनेको संख्या ६ हजार ८ सय ११ जना पुगेको छ ।
२४ घण्टामा २५ प्रयोगशाला ४ हजार ७ सय २१ जनाको नमुना परीक्षण गरिएको छ । अहिलेसम्म नेपालमा १५ हजार ९ सय ६४ जनामा कोरोना संक्रमण देखिएको हो ।
कहाँ कतिमा देखियो कोरोना संक्रमण ?
विपी कोइराला स्वास्थ्य विज्ञान प्रतिष्ठान—झापाका १ जना, सिरहाका १ जना र सुनसरीका १ जना
कोशी अस्पताल प्रयोगशाला विराटनगर —झापाका २ जना, सिराहाका १ जना र खोटाङका १ जना
प्रादेशिक प्रयोगशाला विराटनगरमा— झापाका १ जना
गजेन्द्रनारायाण सिंह अस्पताल प्रयोगशाला राजविराज— सप्तरीका ६ जना
राष्ट्रिय जनस्वास्थ्य प्रयोगशाला टेकु—नुवाकोटका १ जना, सर्लाहीका ६ जना
भरतपुर अस्पताल प्रयोगशाला चितवन—चितवनका १ जना
हेटौडा प्रयोगशालामा— नवलपरासीका १ जना, रौतहटका ३ जना
धुलिखेल अस्पताल प्रयोगशाला— काभ्रेका ३ जना, नवलपासीका १ जना, ओखलढुंगाका ३ जना र सिन्धुपाल्चोकका १ जना
पाटन अस्पताल प्रयोगशाला ललितपुर—काठमाडौंका २३ जना, ललितपुर २० जना, भक्तपुरका १० जना, बाराका १ जना, चिवतनका ३ जना, दाङका २ जना, धादिङका १ जना, दोलखाका २ जना, गोरखाका २ जना, झापाका १ जना, कास्कीका १ जना, काभ्रेका १ जना, खोटाङका २ जना, मकवानपुरका ५ जना, नवलपरासी पूर्वका १ जना, रौतहटका ३ जना, संखुवासभाका १ जना, सप्तरीका २ जना, सिन्धुलीका २ जना, सिन्धुपाल्चोकका २ जना, सिरहाका १ जना, सुनसरीका १ जना, ताप्लेजुङका १ जना र अर्घाखाँचीका १ जना
त्रिवि शिक्षण अस्पताल प्रयोगशालामा— काठमाडौंका १ जना, उदयपुरका १ जना
प्रादेशिक क्षयरोग जनस्वास्थ्य प्रयोगशाला—बाग्लुङका ६ जना, कास्कीका ७ जना
पोखरा स्वास्थ्य विज्ञान प्रतिष्ठान प्रयोगशाला—लमजुङका ११ जना, गोरखाका ५ जना, नवलपरासीका ३ जना
प्रादेशिक प्रयोगशाला रुपन्देही—पाल्पाका ४ जना, प्युठानका ४ जना
चौजहारी प्रयोगशाला रुकुम—जाजरकोटका १ जना
कर्णाली स्वास्थ्य विज्ञान प्रतिष्ठान प्रयोगशाला जुम्ला—डडेल्धुराका ५ जना, जुम्लाका १ जना
सेती प्रादेशिक अस्पताल प्रयोगशाला—कैलालीका ८ जना
