काठमाडौं—काठमाडौं उपत्यकाका पछिल्लो २४ घण्टामा थपिएका ३० जना संक्रमितमध्ये ४ जना नेपाली सेना, ४ सशस्त्र प्रहरी र अन्य विभिन्न १० अस्पतालका बिरामी रहेको खुलेको छ ।
स्वास्थ्य तथा जनसंख्यामन्त्रालयकाअनुसार नारायणहिटी ब्यारेक गोरखबहादुर गणका ४ जना पुरुषमा कोरोना पोजेटिभ देखिएको छ । यस्तै, काठमाडौंमै एपीएफका ४ जना पुरुषमा पनि कोरोना संक्रमण पुष्टि भएको हो ।
कुन अस्पतालबाट कति ?
यस्तै, आइतबार काठमाडौंमा कोभिड—१९ पोजेटिभ देखिएका अन्य संक्रमितहरुमध्ये कोभिड—१९ युनिफाइड हस्पिटल बलम्बुमा १ जना पुरुष, श्री वीरेन्द्र अस्पताल छाउनीमा १ जना पुरुष र ह्याम्स अस्पतालमा ३ जना पुरुष र १ जना महिलामा कोरोना देखिएको छ ।
यस्तै, त्रिवि शिक्षण अस्पतालबाट ५ जना महिला र १ जना पुरुष, इशान बाल अस्पताल १ जना महिला, नेपाल मेडिकल कलेज अत्तरखेल २ जना महिला, न्यूरो अस्पताल बाँसबारीमा २ जना पुरुष, नेपाल पुलिस हस्पिटलमा २ जना महिला, दीघार्यु गुरु अस्पतालमा चाबहिलमा १ जना महिला, चिरायु अस्पतालका १ जना महिलामा पनि कोरोना पुष्टि भएको छ ।
यस्तै, अर्का एक कोरोना संक्रमित बुढानिलकण्ठका रहेका छन् ।
