ललितपुर—सानेपास्थित स्टार हस्पिटलमा उपचारका क्रममा मृत्यु भएका १ जनामा कोरोना संक्रमण पुष्टि भएको छ । जिल्ला स्वास्थ्य कार्यलय ललितपुरका प्रमुख डा खगेश्वर गेलालकाअनुसार स्टार अस्पतालमा मृत्यु भएका रौतहटका २९ वर्षीय पुरुषमा कोरोना पोजेटिभ देखिएको हो ।
श्वासप्रश्वास सम्बन्धी समस्या भएर भेन्टिलेटरमा उपचाररत ती युवाको शनिबार राति मृत्यु भएपछि उनको श्वाब संकलन गरेर पाटन अस्पतालको प्रयोगशाला पठाइएको थियो ।
‘श्वासप्रश्वास सम्बन्धी समस्या देखिएका उहाँको मृत्युपछि स्वाब संकलन गरी पाटन अस्पतालको प्रयोगशालामा पठाइएको थियो,’ डा. गेलालले हेल्थआवाजसँग भने, ‘उहाँको कोरोना रिपोर्ट सोमबार विहान आएको हो, जसमा कोरोना पुष्टि भएको छ ।’
मृतक युवामा कोरोना पुष्टि भएसँगै उनको शव व्यवस्थापनको तयारी कार्य कार्यविधीअनुसार नै अगाडि बढाइएको छ ।
यससँगै नेपालमा कोभिड—१९ बाट मृत्यु हुनेको संख्या २९ जना पुगेको छ ।
