काठमाडौं—जोरपाटीस्थित नेपाल मेडिकल कलेजमा १४ जेठमा चिकित्सकमाथि हातपात भएको विषयमा प्रहरीले अनुसन्धान जारी राखेको जनाएको छ ।
हातपात गरिएको भनिएको समयको सिसिटीभी फुटेज हराएपछि उक्त सिसिटीभी फुटेज सम्बन्धित दुई जनालाई नियन्त्रणमा लिएर प्रहरीले अनुसन्धान जारी राखेको छ । नेपाल प्रहरीको वौद्ध वृतका प्रमुख नवीन कार्कीले शुक्रबार सिसिटीभीसँग सम्बन्धित दुई जनालाई नियन्त्रणमा लिएर अनुसन्धान जारी रहेको जानकारी दिएका थिए ।
हेल्थआवाजले शुक्रबार साँझ उक्त समाचार प्रकाशित गरेपछि केही व्यक्तिले हाम्रो पत्रकारिताको विश्वसनीयतामा प्रश्न उठाएको हुँदा समाचारसँग सम्बन्धित अडियो प्रकाशित गरिएको छ ।
अडियो संवाद
चिकित्सकमाथि हातपात भएपछि चिकित्सकहरुले आन्दोलन गरेका थिए । आन्दोलनरत चिकित्सक र स्वास्थ्य मन्त्रालयबीच २१ जेठमा ५ बुँदे सहमति भएको थियो ।
तर, सो सहमतिमा नेपाल मेडिकल कलेजका चिकित्सकहरुलाई सहभागी नगराइएको भन्दैं उनीहरुले आन्दोलन जारी राखेका छन् । आन्दोलन जारी रहेकै बेलामा प्रहरीले अस्पतालका सिसिटीभीसँग सम्बन्धित दुई जनालाई नियन्त्रण लिएर अनुसन्धान जारी राखेको छ ।
याे पनि
चिकित्सकमाथि हातपातको घटनामा अनुसन्धान सुरु, २ जनालाई नियन्त्रणमा लिएर बयान लिदैं प्रहरी
