काठमाडौं–सरकारले कोरोना रोकथाम गर्न औषधी उपकरण खरिदका लागि ६ अर्ब बजेट विनियोजन गरेको छ । बिहिवार सरकारको बजेट पेश गर्दै अर्थमन्त्री युवराज खतिवडाले कोभिड—१९ मा खटिने चिकित्सक तथा स्वास्थ्यकर्मीको ५ लाखसम्मको निःशुल्क स्वास्थ्य विमा गरिने उल्लेख गरे ।
त्यसैगरी, काठमाडौंमा ३ सय शैय्या र प्रत्येक प्रदेशमा ५० बेडको संक्रामक रोग अस्पताल खोल्न १२ अर्ब ४६ करोड रुपैयाँ विनियोजन गरेको छ ।
उपत्यकाका ठूला अस्पतालमा २ सय ५० बेड आईसीयुसहितका थप गर्नको लागि १२ अर्ब ४६ करोड विनियोजन भएको छ ।
स्वास्थ्य विमालाई थप विस्तार गर्न ७ अर्व ५० करोड बिनियोजन गरिएको छ ।
स्थानीय तहमा ५ देखि १५ बेडका थप २ सय ७२ बटा अस्पताल निर्माण गर्न १४ अर्व विनियोजन गरिएको छ ।
‘एक चिकित्सक एक स्वास्थ्य संस्था’सहित स्थानीय तहमा चिकित्सक कार्यक्रम प्रभावकारी बनाउन ५ अर्ब रकम बिनियोजन गरिएको छ ।
यस वर्षको बजेटमा स्वास्थ्यलाई प्राथमिकता दिइएको छ । बजेटको उद्धेश्यमा नै कोभिड—१९ संक्रमणबाट सामान्यीकरण गराउने रहेको छ ।
