वीरेन्द्रनगर—स्वास्थ्य पत्रकार मञ्च कर्णाली (एचजेएफ)को अध्यक्षमा ललित बसेल निर्विरोध चयन भएका छन् । बिहीबार सुर्खेतमा सम्पन्न भएको स्वास्थ्य क्षेत्रमा कलम चलाउँदै आएका कर्णालीका पत्रकारहरुको भेलाले एचजेएफ कर्णालीको अध्यक्षमा ललित बसेललाई निर्विरोध चयन गरेको हो ।
उक्त भेलाबाट स्वास्थ्य पत्रकार मञ्च कर्णालीको उपाध्यक्षमा तृप्ती शाही, महासचिवमा नन्दराम जैशी, सचिवमा मिमबहादुर रावल (रमेश) र कोषाध्यक्षमा गीता थापा चयन भएका छन् । यस्तै, सदस्यहरुमा देवबहादुर राना र टेकराज खत्री निर्विरोध चयन भएका छन् ।
पदाधिकारी चयनपछि स्वास्थ्य पत्रकार मञ्च कर्णालीले अब बिट रिपोर्टिङका आधारमा स्वास्थ्य क्षेत्रका गतिविधिबारे खोज तथा सन्देशमूलक सामाग्री प्रकाशन तथा प्रचार—प्रसार गर्ने बताएको छ ।
मञ्चका अध्यक्ष बसेलले कर्णालीमा स्वास्थ्य क्षेत्रका समस्या समाधानको विकल्पबारे पत्रकारितामार्फत भूमिका निर्वाह गर्ने उल्लेख गर्दै राम्रा कामको प्रचार गरेर अन्य प्रदेशलाई सन्देश दिने बताए । सोहीअनुसार सबै पदाधिकारीस्लाई कलम चलाउन उनले आग्रह गरे ।
