वीरेन्द्रनगर—सल्यानको छत्रेश्वरी गाउँपालिकामा एकिकृत जनस्वास्थ्य अभियान तथा विशेषज्ञ स्वास्थ्य शिविर सम्पन्न भएको छ । मंगलबार सम्पन्न भएको शिविरबाट शिविरबाट ३१२ जनाले सेवा लिएका हुन् ।
स्वास्थ्य सेवा कार्यालय सल्यानको आयोजना र छत्रेश्वरी गाउँपालिकाको समन्वयमा भएको शिविरमा १९ जनाले दन्त रोग तथा मुख स्वास्थ्य सेवा, ३३ जनाले ल्याब सेवा, १४ जनाले इसीजी सेवा, ४ जनाले युएसजी सेवा र अन्यले सामान्य चेकजाँच र परामर्श सेवा लिएका छन् ।
शिविर उद्घाटन कार्यक्रममा छत्रेश्वरी गाउँपालिकाका अध्यक्ष ओजबहादुर बुढाथोकीले विभिन्न समस्याका कारण अस्पतालसम्म जान नसकेका बिरामीलाई आफ्नै गाउँ ठाउँमा रोग पहिचान र उपचारका लागि यस प्रकारका शिविरले लाभ पु¥याउने बताए ।
शिविरमा स्वास्थ्य सेवा कार्यालय सल्यानका व्यवस्थापक डा.अर्जुन बुढा तथा अन्य ७ जना विशेषज्ञ डाक्टरहरुसहित १५ जनाको चिकित्सक टोलीले चेक जाँच तथा उपचार गरेको थियो । शिविरमा निःशुल्क औषधि वितरण, मनोसामाजिक परामर्श सेवा, क्षयरोग पहिचानका लागि खकारको नमुना संकलन पनि गरिएको थियो ।
