वीरेन्द्रनगर—सल्यानको कालीमाटी गाउँपालिकाले विद्यालयमा निःशुल्क स्यानिटरी प्याड, घरघरमा खानेपानी धारा बनाउने नीति तथा कार्यक्रम ल्याएको छ । शुक्रबार गाउँसभाले आगामी आर्थिक वर्ष २०८०/०८१ को लागि वार्षिक नीति तथा कार्यक्रम ल्याउने सो घोषणा गरेको हो ।
गाउँपालिका अध्यक्ष दानबहादुर केसीले प्रस्तुत गरेको नीति तथा कार्यक्रममा ‘स्वच्छ खानेपानी, स्वच्छ जीवन’ भन्ने नारालाई साकार पार्न खानेपानी योजनाहरु सञ्चालन गर्ने उल्लेख गरिएको छ ।
‘एक घर, एक धारा’ निर्माण गर्ने नीति लिएको जनाएको छ । स्वास्थ्यको भवन निर्माण गरिने गाउँपालिकाको नीति कार्यक्रम रहेको छ ।
यसैगरी, नीति कार्यक्रममा ग्रामीण अल्ट्रासाउण्ड सेवामार्फत गर्भवती महिलामा स्वास्थ्यको पहुँच विस्तार गर्ने, ग्रामीण अल्ट्रासाउण्ड सेवाको व्यवस्था गर्ने नीति तथा कार्यक्रममा उल्लेख गरिएको छ ।
किशोरीहरुको महिनावारी प्रवर्द्धन ध्यान दिदैं विद्यालयमा तथा स्वास्थ्य संस्थामा निःशुल्क स्यानीटरी प्याड वितरण गर्ने नीति तथा कार्यक्रममा उल्लेख गरिएको छ । पोषणमैत्री विशेष कार्यक्रम सञ्चालन गर्ने र ०८०/०८१ भित्र गाउँपालिकालाई पोषणमन्त्री वडा घोषणा गर्ने नीति कार्यक्रममा उल्लेख गरिएको छ ।
