वीरेन्द्रनगर—खेतीपातीको समयमा तीब्र रुपमा फैलिदै ‘लप्पी स्किन’ रोग कर्णालीमा फैलिएको छ । गाईभैसी र गोरुमा लाग्ने ‘लप्पी स्किन’ रोग खेतीपाती लगाउने भित्र्याउने समयमा तीब्र रुपमा फैलिएको हो ।
कर्णालीमा ‘लप्पी स्किन’ रोगका कारणले यहाँका किसानहरुले गरेका छन् ।
कर्णालीका १० जिल्लामध्ये सात जिल्लामा यो रोग देखिएको छ । सुर्खेत, दैलेख, जाजरकोट, सल्यान, रुकुम पश्चिम, कालिकोट र हुम्लामा ‘लम्पी स्किन’ को प्रकोप देखिएको कर्णाली प्रदेश भूमी, व्यवस्था, कृषि तथा सहकारी मन्त्रालयले जनाएको छ । कर्णालीका १० जिल्लामध्ये मुगु, डोल्पा र जुम्ला जिल्लामा ‘लम्पी स्किन’ रोग देखिएको छैन ।
यसअघिसम्म गाई र गोरुमा मात्रै देखिएको ‘लम्पी स्किन’ पछिल्लो समय भैँसीमा समेत देखिएको मन्त्रालयले जनाएको छ । जाजरकोट जिल्लाको जुनिचाँदे, भेरी, शिवालय, छेडागाड, नलगाडलगायतका पालिकामा रोगको प्रकोप अत्यधिक बढेको जाजरकोट पशुसेवा कार्यालयले जनाएको छ ।
सल्यानमा गाई भैँसीमा लम्पी स्किन रोग संक्रमण तीव्र रुपमा फैलिएको छ । लम्पीस्किन रोगबाट हालसम्म जिल्लामा १ सय ५० भन्दा बढी पशु चौपाया मरिसकेका छन् ।
कालीमाटी गाउँपालिकाबाट फैलिएको रोग अहिले सबै पालिकामा फैलिएको छ । खेतीपातीको सिजन सुरु हुँदै लाग्दा रोगबाट पशु चौपाया मर्न थालेपछि किसान चिन्तित हुन थालेका छन् ।
बालीनाली नलगाउने सिजन हुँदै गर्दा वस्तुभाउ मर्न थालेको स्थानीय किसान रामबहादुर केसीले बताए । ‘कुटो कोदालोले बारी खनेर साध्य छैन र जोत्ने गोरु बिरामी छन् । बारी केले जोत्ने हो समस्या छ,’ उनले भने,‘यो रोगका कारणले अहिले धेरै ठाउँमा फैलिएको छ ।’
