जुम्ला–कर्णाली प्रदेशका ग्रामीण क्षेत्रमा पछिल्लो समयमा स्थानीयस्तरमा गर्भवती महिलालाई सुरक्षित प्रसुति तथा सुत्केरी गर्नका लागि वर्थिङ सेन्टर स्थापना गरिएका छन् । तीनै वर्थिङ सेन्टरमा दक्ष प्रसुति स्वास्थ्यकर्मी एसबीए तालिम प्राप्त भएका जनशक्तिको आवश्यक पर्ने गर्दछ ।
कर्णाली स्वास्थ्य विज्ञान प्रतिष्ठान शिक्षण अस्पताल जुम्लाले यस्तै दक्ष जनशक्ति उत्पादन गर्ने थलो बनेको छ । प्रतिष्ठानले नर्सिङ कर्मचारीका लागि ६० दिने दक्ष प्रसुतिकर्मी एसबीए तालिम प्रदान गरेर ६ जना दश जनशक्ति उत्पादन गरेको नर्सिङ प्रमुख सविना थापाले बताइन् ।
रुकुम पश्चिम आठबिस नगरपालिका—१ स्थित स्यालाखदी स्वास्थ्य चौकीबाट एक जना, त्रिवेणी गाउँपालिका अस्पताल, रुकुम पश्चिमबाट एकजना, सिम्ता गाउँपालिका सुर्खेत घोरेटे स्वास्थ्य चौकीबाट एक जना, प्राथमिक स्वास्थ्य केन्द्र सुर्खेतबाट एक जनासहित ६ जनालाई एसबीए तालिम दिइएको छ ।
कर्णाली स्वास्थ्य विज्ञान प्रतिष्ठान जुम्लाकी नर्सिङ प्रमुख थापाका अनुसार स्वास्थ्यकर्मीलाई स्थानीयस्तरमै रहेका स्वास्थ्य चौकी तथा वर्थिङ सेन्टरमा नर्मल सुत्केरी तथा प्रसुति गराउन सक्ने दक्ष बनाएर पठाइएको छ ।
