सुर्खेत – कर्णाली प्रदेशमा थप १ सय ४५ जनालाई कोभिड-१९ संक्रमण पृष्टि भएको छ । पछिल्लो २४ घण्टामा थप १ सय ४५ जनालाई कोभिड-१९ संक्रमण पुष्टि भएको स्वास्थ्य सेवा निर्देशनालय सुर्खेतले जनाएको हो ।
निर्देशनालयका अनुसार पछिल्लो २४ घण्टामा २ सय ९४ जनाको आरटी पीसीआर परीक्षण गरिएकोमा १ सय ३५ जनामा संक्रमण पुष्टि भएको हो ।
यस्तै, पछिल्लो २४ घण्टामा थप ५ सय ३० जनाले कोरोना जितेर डिस्चार्ज भएका छन् ।
यस्तै, पछिल्लो २४ घण्टामा ६ जनाको मृत्यु भएको छ । योसँगै कर्णालीमा कोरोनाबाट मृत्यु हुनेको संख्या २ सय ७५ पुगेको स्वास्थ्य सेवा निर्देशनालय सुर्खेतले जनाएको छ ।
पछिल्लो २४ घण्टामा २ सय ८७ जना आइसोलेसनमा संक्रमित थपिएका छन् ।
कर्णालीमा हालसम्म १७ हजार ८ सय ५२ जनाले कोरोना संक्रमण जितेका छन् । हाल कर्णालीमा सक्रिय संक्रमितको संख्या ६ हजार ५ सय ८० रहेको छ ।
