महासंघलाई स्यानीटाईजर प्रदान

सुर्खेत – मध्यपश्चिमाञ्चल विश्वविद्यालयका उपकुलपति प्रा. डा. नन्दबहादुर सिंहले नेपाल पत्रकार महासंघ सुर्खेत शाखालाई तीस थान स्यानीटाईजर प्रदान गरेका छन् । आइतबार मध्यपश्चिमाञ्चल विश्वविद्यालयले उत्पादन गरेको स्यानीटाईजर महासंघलाई प्रदान गरेका हुन।

विश्वभर महामारीको रुपमा फैलिएको कोरोना भाइरस (कोभिड १९) को संक्रमणको जोखिममा पत्रकारहरुपनि परेको बताउदै कोरोना विरुद्ध लडन स्यानीटाईजर प्रदान गरिएको सिंहको भनाई छ । महासंघका अध्यक्ष गणेशकञ्चन भारतीले विश्वविद्यालयले स्यानीटाईजर उत्पादन गर्नु ऐतिहासिक भएको बताए ।

विश्वविद्यालयले राम्रो कामको सुरुवात गरेको छ । आगामी दिनमा कर्णालीकै बस्तुको प्रयोग गरेरनयाँ नयाँ आविष्कार गर्न विश्वविद्यालय सफल होस ।’ अध्यक्ष भारतीले भने, ‘कर्णालीलाई उत्पादन मूलक शिक्षाको थलो बनाउन विश्वविद्यालय सफल हुने अपेक्षा छ । महासंघलाई विश्वविद्यालयको उत्पादन दिएर नेपाल पत्रकार महासंघ सुर्खेत शाखालाई सहयोग गर्नुभएकोमा धन्यवाद ब्यक्त गरे ।