नेपालगन्ज—मनोचिकित्सक संघ नेपालको १० औं राष्ट्रिय सम्मेलन नेपालगन्जमा जारी छ । नेपालसहित छिमेकी मुलुक भारतका साइक्याट्रिक तथा मनोस्वास्थ्य क्षेत्रका विशेषज्ञहरुको सहभागिता रहेको सम्मेलनमा मानसिक स्वास्थ्य, दुर्व्यसनी, चुनौती र अवसरका विषयवस्तुमा केन्द्रीत रहेर तयार पारिएका शोधपत्रहरुमाथि विचार विमर्श भइरहेको छ ।
नेपालमा बिरामी भएर उपचारका लागि स्वास्थ्य संस्थामा पुग्ने २८ देखि ३० प्रतिशत मानिसहरुमा कुनै नै कुनै किसिमको मानसिक स्वास्थ्य सम्बन्धि समस्या हुने गरेको विभिन्न अध्ययनहरुबाट देखिएको छ ।
मानसिक स्वास्थ्य सम्बन्धि चुनौती बढेसँगै उपचार र परामर्शको सुविधा पनि विस्तार भइरहेको छ । नेपालका सबै संघीय, प्रादेशिक, मेडिकल कलेज, स्वास्थ्य विज्ञान प्रतिष्ठानहरुमा मानसिक स्वास्थ्य सम्बन्धि उपचार र परामर्श सेवा विस्तार भईरहेको छ । नेपालमा हाल २ सय ६५ जना मनोचिकित्सक छन् ।
लागु औषधलगायतका विभिन्न दुर्व्यसनका कारण मानसिक स्वास्थ्य समस्या दिनानुदिन बढ्दै गइरहेको छ । लागु औषधसँगसँगै मानसिक स्वास्थ्यका क्षेत्रमा देखिएका चुनौतीहरुलाई कम गर्नका लागि त्यस क्षेत्रमा काम गर्ने संघ संस्था, स्थानीयदेखि संघीय सरकारबीच समन्वय गरेर नीति निर्माणदेखि सचेतना र उपचारका क्षेत्रका समन्वय गरेर अगाडि बढ्नुपर्ने देखिएको छ ।
नेपाल र भारतका दुई सय बढी मनोचिकित्सक तथा मनोस्वास्थ्य क्षेत्रका विशेषज्ञहरुको सहभागिता रहेको कार्यक्रममा सहभागी हुन नेपालगन्ज पुग्नु भएका संघका महासचिव एवं वरिष्ठ मनोचिकित्सक डा. मनोज ढुंगानासँग सहकर्मी कृष्ण अधिकारीले गरेको संवादः
