अनुहारको छालालाई घामबाट जोगाउने वरिष्ठ ब्युटिसियन रावलको यस्तो सुझाव

घाममा एक किसिमको विकिरण हुन्छ जसलाई ‘अल्ट्रा भोइलेट’ भनिन्छ। यो यस्तो विकिरण हो जसले हाम्रो छाला र कपालमा प्रत्यक्ष असर गर्दछ। फलस्वरूप हामी प्रत्यक्ष घाममा हिड्दा हाम्रो अनुहार, शरीरको छाला र कपालमा प्रष्टै असर पारेको देख्न सकिन्छ। हामीले हाम्रो अनुहारलाई घामबाट जोगाइ राख्नको लागि केहि उपाय अपनाउनुपर्ने हुन्छ जसले अनुहारलाई घामबाट डढन दिदैंन

यस्ता छन् उपाय :-

• हाम्रो अनुहारलाई मध्यान्हको घामको किरणले अझै बढी असर पार्ने हुनाले उक्त समयमा सकेसम्म घर बाहिर ननिस्कने।
• मध्यान्हमा घामको युभी विकिरण अझै बढी प्रभावकारी हुने हुँदा यदि बाहिर निसक्नै परेको खण्डमा पनि बाहुला भएको र हातखुट्टा छोप्ने खालका कपडा लगाउने।
• घाममा बाहिर निस्कनु अघि राम्रो खालको पीए+++ र बढी एसपीएफ भएको प्रोटेक्सन भएको क्रिम लगाउने।
• सन प्रोटेक्सन क्रिम जहिले पनि घाममा निस्किने आधा घण्टा अघि लगाउने।
• सनस्क्रिनको प्रयोग गर्दा घाम हुँदा र नहुँदा दुवै अवस्थामा गर्नुपर्दछ।
• सनस्क्रिन हरेक २/३ घण्टाको फरकमा पुन प्रयोग गर्नुपर्दछ। किनभने सनस्क्रिनको कार्य क्षमता २/३ घण्टा मात्रै हुन्छ।
• हातखुट्टामा पनि एसपीएफ भएको बडी लोशन या मोस्चोराइजरको प्रयोग गर्नुपर्दछ।
• सधै डे क्रिमको छनौट गर्दा ‘युभीए’ र ‘युभीबी’ ब्लक गर्ने छ छैन हेर्नु पर्दछ।
• घाममा निस्किनु पर्दा एसपीएफ भएको क्रिमसँगै कपालमा ह्याट र आँखाको लागि सनग्लासको प्रयोग गर्ने।
• नरिवलको तेल र घ्युकुमारीको प्रयोगले पनि हाम्रो छालालाई केहि हदसम्म घामबाट जोगाउँछ।
• लुगाको रङले पनि केहि हदसम्म घामको विकिरण छेक्दछ।
• अध्यारो खालको कपडाले उज्यालो रङको कपडाले भन्दा बढी घामको विकिरण छेक्दछ।