पोखरा—लमजुङ जिल्लाको सुन्दरबजारमा एचडिसिएस नमुना सामुदायिक अस्पतालले निःशुल्क स्वास्थ्य शिविर सञ्चालन गरेको छ । २९ भदौैंमा अस्पतालले एकदिने दन्त रोग तथा फिजियोथेरापी सम्बन्धी स्वास्थ्य शिविर सञ्चालन गरेको हो ।
शिविरमा ढाड तथा कम्मरको दुखाइ, नसा च्यापिएको, हातखुट्टा झमझमाउने, गर्दन कुम, घुँडा दुखेको तथा हाडजोर्नीका समस्याको उपचार गरिएको अस्पतालका व्यवस्थापक हेमन्त श्रेष्ठले जानकारी दिए । उनकाअनुसार अस्पतालले नियमित रुपमा एक जना फिजियोथेरापिस्टमार्फत सेवा दिइरहेकोमा सामाजिक उत्तरदायित्वअन्तर्गत निःशुल्क शिविर सञ्चालन गरेको हो ।
त्यस्तै, दन्त परीक्षण १ सय ८४ जनाको स्वास्थ्य जाँच गरिएको थियो । अस्पतालले सःशुल्क रुपमा दाँत भर्ने, दाँतको जरैदेखि उपचार, स्थायी तथा अस्थायी दाँत राख्ने सेवा दिँदै आएको छ । दाँतमा क्याप राख्ने, दाँतको विशेष एक्स—रे, दाँत मिलाउनेलगायत सेवा पनि अस्पतालाम उपलब्ध छन् ।
मेडिकल सेवामा अन्तरंग तथा बहिरंग सेवा प्रवाह गर्दै आएको छ । मानसिक रोग सम्बन्धी जाँच तथा परामर्श, जनरल सर्जरी, क्षयरोग, खोप सेवा, मिर्गाैला रोगसम्बन्धी सेवा, मनोविमर्श, टेलिमेडिसिन सेवा, गरिब तथा असहायका लागि निःशुल्क सेवा, प्यालिएटिभ केयर सेवा दिँदै आएको छ । अस्पतालमा ४० जना स्वास्थ्यकर्मी तथा कर्मचारीले सेवा दिइरहेको श्रेष्ठ बताउँछन् ।
