पोखरा—कास्कीको रुपा गाउँपालिकाले गाउँपालिकामा जन्म भई स्वास्थ्य सेवामा लागेका व्यक्तित्वलाई ‘रुपा रत्न २०७९’ बाट सम्मान गरेको छ । गाउँपालिका स्थापना दिवसको अवसरमा सम्मान प्रदान गरिएको हो ।
सम्मानित हुनेहरुमा पश्चिमाञ्चल क्षेत्रीय अस्पताल पोखरामा कार्यरत डा. भोजराज न्यौपाने, डा. सन्दीप ओझा, डा. चण्डिका पण्डित रहेका छन् । यसैगरी, गण्डकी विश्वविद्यालयमा कार्यरत डा. मदन खड्का र प्रदेश प्रयोगशाला गण्डकीका निमित्त निर्देशक सपना सुवेदी रहेका छन् ।
पहिलो वर्ष साहित्य, दोस्रो वर्ष खेल, तेस्रो वर्ष इन्जिनियरिङ क्षेत्रका व्यक्तित्वलाई सम्मान गरिएकोमा कोभिडका कारण २ वर्ष रोकिएको थियो ।
रुपा गाउँपालिकाको सर्वाङ्गीण विकासमा योगदान पु¥याएका व्यक्तित्वको कदर गर्दै २०७४ बाट रुपा रत्न सम्मान सुरु गरिएको गाउँपालिका अध्यक्ष नवराज ओझाले बताए ।
