म्याग्दीमा थप २ जनामा डेंगु संक्रमण पुष्टी

म्याग्दीका थप २ जनामा डेंगु संक्रमण पुष्टी भएको छ । बेनी नगरपालिका-७ मङ्गलाघाट र मङ्गला गाउँपालिका-१ भरजुलाका १-१ जनामा बुधबार डेङ्गु पोजेटिभ देखिएको हो ।

यससँगै डेंगु संक्रमितको संख्या ५ पुगेको छ । थप डेंगु देखिएका उक्त दुई पुरुषलाई बेनी अस्पतालमा भर्ना गरेर उपचार शुरु गरिएको बताइएको छ । गएको हप्ता बेनी नगरपालिका–९ घतानका ३० वर्षीय पुरुष, बेनी–६ छापकी ५८ वर्षीया महिला र्वत घर घइ बेनी–५ भिरमुनि बस्ने ३६ वर्षीया महिलामा डेङ्गु पोजेटिभ पाइएको थियो ।

वैशाख ९ गते मङ्गला–५ अर्मनका १७ वर्षका पुरुषलाई एकैपटक स्क्रब टाइफस र डेङ्गु भेटिएको थियो। माघ २ गते अन्नपूर्ण–६ घारकी ६५ वर्षीया महिलामा डेङ्गु भेटिएको थियो।